Samtök atvinnulífsins (SA) og Rio Tinto Alcan leggja áherslu á að opna fyrir verktökum á álverssvæðinu í Straumsvík. Slíkt getur kostað uppsagnir á starfsmönnum sem nú eru í starfi.
SA, Rio Tinto Alcan og verkalýðsfélög starfsmanna álversins funda næst í kjaradeilu sinni á föstudag en SA og Rio Tinto slitu viðræðum í síðustu viku.
Fyrir utan að vilja samning svipaðan þeim sem samið hefur verið um á almenna vinnumarkaðnum vilja verkalýðsfélögin að ákvæðið um verktakayfirlýsingu í samningnum undir fylgiskjali 1 verði tekið út úr viðræðunum, að því er fram kemur í umfjöllun um mál þetta í Morgunblaðinu í dag.