Opnuð hafa verið tilboð í endurlögn 6,7 kílómetra kafla Kjósarskarðsvegar frá Fremri-Hálsi að Þingvallavegi.
Alls bárust fimm tilboð í verkið. Lægsta tilboðið barst frá Þrótti hf. á Akranesi, rúmlega 214 milljónir króna. Hæsta tilboðið var frá Ístaki-Ísland, rúmar 287 milljónir. Áætlun Vegagerðarinnar hljóðaði upp á 215 milljónir króna.
Kjósarskarðsvegur tengir Þingvelli við Hvalfjörð og Vesturland. Verkinu skal lokið eigi síðar en 1. nóvember 2016.