Hiti verður á bilinu tíu til átján stig á landinu í dag, samkvæmt veðurspánni. Svalara verður þó á annesjum fyrir norðan og austan.
Í dag er spáð norðaustan fimm til tíu metrum á sekúndu í fyrstu á Vestfjörðum og Ströndum. Annars verður hæg austlæg átt eða hafgola og bjart með köflum, en þokuloft austast. Gert er ráð fyrir stöku skúrum inn til landsins. Mun bæta í vind við suðausturströndina síðdegis. Spáð er svipuðu veðri á morgun.
Á höfuðborgarsvæðinu er spáð hæg breytilegri átt eða hafgolu. Verður bjart með köflum og hiti á bilinu tíu til sautján stig.
Fylgjast má með veðurspánni á veðurvef mbl.is