Allt stopp vegna rafmagnsskorts

Senda þurfti helming afla Sigurðar VE í bræðslu í gærkvöld ...
Senda þurfti helming afla Sigurðar VE í bræðslu í gærkvöld vegna skorts á rafmagni. Mynd/Ísfélag Vestmannaeyja hf.

Starfsemi í frystihúsi Ísfélags Vestmannaeyja hefur legið niður frá því í gærkvöldi, eða þegar útleysing varð á Rimakotslínu 1 og straumlaust var í Vestmannaeyjum. Senda var helming afla Sigurðar VE í bræðslu þar sem ekki var hægt að vinna makrílinn í rafmagnslausri vinnslustöðinni og frysta hann að vinnslu lokinni.

Raf­magn komst fljót­lega á aft­ur og dísil­vél­ar voru ræst­ar í Vest­manna­eyj­um og í Vík. Vélarnar eru þó ekki nógu öflugar til að útvega fiskvinnslum rafmagn til frystingar og því er lítið hægt að vinna hjá Ísfélaginu og Vinnslustöðinni í dag. Samkvæmt upplýsingum frá HS veitum hefur spennir Landsnets sem bilaði í gærkvöldi verið laskaður í tíu ár og því ekki geta starfað á fullum afköstum. 

Frétt mbl.is: Alvarleg bilun hjá Landsneti

Í tilkynningu sem birt var á vefsíðu Landsnets eftir hádegi í dag kemur fram að rafmagn sé hjá almennum notendum í Vestmannaeyjum en skerða hafi þurft afhendingu rafmagns til notenda sem eru á skerðanlegum flutningssamningum í Eyjum. Eyþór Harðarson, útgerðarstjóri hjá Ísfélagi, segir upplýsingarnar rangar enda sé fyrirtækið síður en svo á skerðanlegum samningum.

„Við erum stopp með vinnsluna, við fáum ekki rafmagn til að frysta makrílinn og náðum bara rétt að fá rafmagn til að klára það sem var inni í frystihúsinu. Það þurfti að stöðva löndun og setja aflann í bræðslu,“ segir Eyþór í samtali við mbl.is. Bilunin varð um klukkan átta í gærkvöldi.

Ætluðu að vinna á báðum stöðum

Eyþór segir að þetta hafi í för með sér nokkurt tap fyrir fyrirtækið þar sem meira fáist fyrir fiskinn þegar hann er verkaður og frystur en þegar hann er bræddur. „Það er ómögulegt að geta ekki unnið þegar menn vilja vinna,“ segir Eyþór.

Von var á Álsey VE til hafnar í Vestmannaeyjum en í staðinn fór skipið til hafnar á Þórshöfn þar sem Ísfélagið er einnig með vinnslustöð. Til stóð að vinna á báðum stöðum og segir Eyþór að hægja verði á starfseminni þar til hægt verður að koma rafmagni á á ný.  

350 tonn af makríl bíða við höfnina

„Við erum með algjöra lágmarksvinnslu og að reyna að bjarga því sem bjargað verður. Við getum ekki fryst makríl, við getum ekki unnið fisk á fullum afköstum,“ segir Sigurgeir Brynjar Kristgeirsson, framkvæmdastjóri Vinnslustöðvarinnar í Vestmannaeyjum. Þegar bilunin varð í gærkvöldi unnu starfsmenn að frágangi eftir daginn en afboða þurfti allar vaktir í dag.

Ekki er hægt að verka og frysta 350 tonn af markíl sem bíða í skipi sem lagði að höfn í Vestmannaeyjum í morgun. Sigurgeir segir ekki hægt að bíða lengi með aflann en fyrirtækið mun fá frekari upplýsingar þegar líður á daginn og verður þá tekin ákvörðun um framhaldið.

Uppfært kl. 15.16

Spennirinn laskaður í tíu ár

Allar sex díselvélar HS veitna í Vestmannaeyjum voru ræstar í gærkvöldi þegar straumlaust varð. Þar með er hægt að veita heimilum rafmagn en til að mynda var slökkt á götuljósum í Vestmannaeyjum í nótt  til að spara rafmagn.

Kostnaðarsamt er að veita rafmagn á þennan hátt og mun Landsnet bera þann kostnað, samkvæmt upplýsingum frá HS veitum. Vélarnar eru ekki nógu öflugar til að veita rafmagn til frystingar og því hefur starfsemi að mestu legið niður hjá Ísfélaginu og Vinnslustöðinni í dag.

Þetta er ekki í fyrsta skipti sem bilun kemur upp í þessum tiltekna spenni Landsnets í Rimakoti á Landeyjasandi. Samkvæmt upplýsingum frá HS veitum hefur hann verið laskaður í tíu ár og ekki getað starfað á fullum afköstum og eru starfsmenn síður en svo ánægðir með stöðu mála.

Starfsfólk Vinnslustöðvarinnar reynir að bjarga því sem bjargað verður.
Starfsfólk Vinnslustöðvarinnar reynir að bjarga því sem bjargað verður. Þorvaldur Örn Kristmundsson
mbl.is

Bloggað um fréttina

Innlent »

Ný tækni opnar fötluðum tækifæri

08:18 Frumbjörg – Frumkvöðlamiðstöð Sjálfsbjargar fékk verðlaun sem besta framtakið á sviði vistkerfis nýsköpunar (Best Startup Ecosystem Initiative) á Norðurlöndunum 2017. Verðlaunin voru veitt á hátíð norrænna nýsköpunarverðlauna, Nordic Startup Awards, síðastliðið miðvikudagskvöld í Stokkhólmi. Meira »

Hugmynd um gosbrunn á Lækjartorg

07:57 Umhverfis- og skipulagsráði Reykjavíkurborgar berast reglulega áhugaverðar tillögur og barst ráðinu nýlega ein slík.  Meira »

Handtekinn grunaður um líkamsárás

07:46 Rétt fyrir klukkan eitt í nótt var karlmaður handtekin í Spönginni í Grafarvogi grunaður um líkamsárás. Maðurinn hótaði einnig lögreglumönnum og er nú vistaður í fangaklefa. Á sama stað var annar maður handtekinn fyrir að tálma störf lögreglu og er hann einnig vistaður í fangaklefa. Meira »

Mat lækkað fimm ár aftur í tímann

07:37 Yfirfasteignamatsnefnd hefur lagt fyrir Þjóðskrá Íslands að taka fasteignamat íbúðarhúss í Grafarvogi til endurákvörðunar fimm ár aftur í tímann. Meira »

Kona handtekin vegna heimilisofbeldis

07:36 Kona var handtekin á höfuðborgarsvæðinu rétt fyrir klukkan ellefu í gærkvöld vegna gruns um heimilisofbeldi. Hún var vistuð í fangaklefa í þágu rannsóknar málsins. Þá var karlmaður handtekinn í kjallara fjölbýlishúss í borginni rétt eftir miðnætti í gærkvöldi. Meira »

Vinstri grænir lækka flugið

07:17 Framsóknarflokkurinn, Miðflokkurinn, Viðreisn og Sjálfstæðisflokkurinn hafa bætt stöðu sína frá síðustu viku samkvæmt nýrri könnun á fylgi framboða sem Félagsvísindastofnun Háskólans gerði fyrir Morgunblaðið dagana 16. til 19. október. Meira »

Loðnan nær ströndum Grænlands en áður

05:30 Lagt er til að leyft verði að veiða 208 þúsund tonn af loðnu á vertíðinni 2017/2018. Í loðnuleiðangri í haust var dreifingin mjög vestlæg eins og á undanförnum árum og fannst loðna nær ströndum Grænlands en áður hefur sést í leiðöngrum Hafrannsóknastofnunar á þessum slóðum. Meira »

Hafarnarstofninn stækkar stöðugt

05:30 Hafarnarstofninn hefur ekki verið jafn sterkur og nú síðan í lok 19. aldar. Hafarnarpörin voru 76 á liðnu sumri og fjölgaði um tvö frá því í fyrra. Þá komust upp 36 ungar úr 28 hreiðrum, en 51 par reyndi varp í sumar. Meira »

Vilja sameinast Fjarðabyggð

05:30 Sveitarstjórn Breiðdalshrepps hefur samþykkt samhljóða að óska eftir því við bæjarstjórn Fjarðabyggðar að kannaðir verði möguleikar á sameiningu sveitarfélaganna. Meira »

Afgreiddu 17 tilvik um báta sem voru dregnir til hafnar

05:30 Af 39 málum á síðasta fundi sjóslysasviðs Rannsóknarnefndar samgönguslysa var 17 lokið með færslunni „vélarvana og dreginn til hafnar“. Meira »

Mótmæla uppbyggingu á Allianz-reit

05:30 Fjölmargar athugasemdir bárust vegna fyrirhugaðrar uppbyggingar á svokölluðum Allianz-reit við Grandagarð í Reykjavík. Meirihlutinn í borgarráði, Samfylking, Björt framtíð og Vinstri græn, styðja uppbygginguna en sjálfstæðismenn í minnihlutanum eru henni andvígir. Meira »

Þarf að kaupa losunarheimildir

05:30 Losun gróðurhúsalofttegunda hér á landi mun fara fram úr heimildum samkvæmt Kýótó-bókuninni fyrir árin 2013-2020, samkvæmt greiningu Umhverfisstofnunar. Meira »

Kjörseðlarnir rjúka út á Spáni

05:30 Íslendingar búsettir á Torrevieja, Alicante og Benidorm á Spáni hafa verið mjög duglegir að kjósa utan kjörfundar vegna komandi þingkosninga. Meira »

Hrundi úr hillum og brotnaði

Í gær, 22:37 Jarðfræðingurinn Sigurjón Valgeir Hafsteinsson, sem er yfir neyðarvörnum hjá Rauða krossinum á Suðurlandi, varð vel var við jarðskjálftana nú í kvöld. „Þá drundi í öllu og hristist allt og það hrundi hér úr hillum og brotnaði aðeins,“ segir Sigurjón sem á von á fleiri skjálftum. Meira »

Eldur í ruslageymslu

Í gær, 21:13 Eldur kom upp í ruslageymslu í Sólheimum á níunda tímanum í kvöld. Einn slökkvibíll var sendur á staðinn og vel gekk að ráða niðurlögum eldsins. Meira »

Tvöfalt fleiri með geðraskanir

05:30 Nýgengi örorku vegna geðraskana hefur tvöfaldast á tímabilinu 2011 til 2016 en með nýgengi örorku er átt við fjölda einstaklinga sem fá sitt fyrsta 75% örorkumat hjá Tryggingastofnun ríkisins, miðað við dagsetningu úrskurðar. Meira »

Jörð skelfur við Selfoss

Í gær, 21:39 Klukkan 21:50 í kvöld varð jarðskjálfti af stærð 3,4 norðaustur af Selfossi og hafa tilkynningar borist Veðurstofunni um að skjálftinn hafi fundist vel á Selfossi og í nágrenni. Jarðskjálftahrina hefur verið í gangi á svæðinu frá því um kl. 16:00 í dag. Meira »

Erlendir göngu-hrólfar nánast einir um hituna

Í gær, 21:00 Þátttaka útlendinga í gönguferðum um Laugaveginn, úr Landmannalaugum í Þórsmörk, hefur aukist með hverju árinu. Páll Guðmundsson, framkvæmdastjóri Ferðafélags Íslands, segir að á nýliðnu sumri hafi hlutfall þeirra verið allt að 95% af um tólf þúsund sem fóru þessa vinsælu gönguleið. Meira »

Skoðanakannanir

[ Nánar | Allar kannanir í CSV-skrá ]

Mátturinn eða dýrðin - Greinaflokkur

STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
Hornstrandabækurnar fyrir fróðleiksfúsa!
Hornstrandabækurnar Allar 5 í pakka 7,500 kr. Upplögð afmælis og tækifærisgjöf....
Endurnýjum rafhlöður fyrir borvélar
járnabindivélar, fjarstýringar og önnur rafhlöðuverkfæri. Nánar á www.rafhlodur....
Bókhald - laun
Vantar þig bókara? Er viðurkenndur bókari með margra ára reynslu og vill gjarnan...
 
Skipulag
Tilkynningar
Borgarbyggð Skipulagsauglýsingar De...
Eldri borgarar
Staður og stund
Aflagrandi 40 Það er opin vinnustofa hjá...
Framhald uppboðs
Nauðungarsala
Uppboð Einnig birt á www.naudungarsolu...
Vélavörður
Sjávarútvegur
Vélavörður óskast! Vélavörð vantar á ...