Þyrla Landhelgisgæslunnar sótti veika göngukonu suður af Grænalóni við Skeiðarárjökul fyrir hádegið í dag. Konan er erlendur ferðamaður og var hluti af gönguhópi. Hún var flutt á Landspítalann til aðhlynningar, samkvæmt upplýsingum Landhelgisgæslunnar.
Útkallið barst í kringum kl. 10:30 í morgun og voru björgunarsveitir sendar á staðinn. Þyrla Landhelgisgæslunnar náði í konuna og kom hún til Reykjavíkur um hádegið.