Nýr spítali verði við Hringbraut

Horft yfir núverandi byggingar Landspítalans við Hringbraut. Í skýrslunni segir ...
Horft yfir núverandi byggingar Landspítalans við Hringbraut. Í skýrslunni segir m.a., að bygging nýs spítala við Hringbraut og flutningur starfsemi þangað úr Fossvogi muni valda hlutfallslega lítilli aukningu á umferðarálagi á háannatíma. mbl.is/Ómar

Ekki er tilefni til að breyta fyrirliggjandi ákvörðun um að byggja nýjan Landspítala við Hringbraut. Þetta er niðurstaða rýniskýrslu KPMG vegna byggingar nýs spítala. Heilbrigðisráðherra hefur fengið skýrsluna afhenta sem hefur verið gerð opinber.

Þetta kemur fram í tilkynningu frá Nýjum Landspítala ohf. Þar segir ennfremur, að í framhaldi af erindi velferðarráðuneytisins, fyrr í þessum mánuði, hafi Nýr Landspítali falið KPMG með samningi að yfirfara fyrirliggjandi gögn um hagkvæmni þess að byggja nýjar sjúkrahúsbyggingar við Hringbraut.

Dýrara að byggja á nýjum stað

Í tilkynningunni er farið yfir helstu niðurstöður sem eru eftirfarandi:

  • Skipulagsmál: Skipulag og form bygginga hefur verið þannig hannað að vel fari um nýjan sameinaðan spítala við Hringbraut. Breytingar í skipulagsferlinu tóku mið af helstu athugasemdum sem gerðar voru við form og umfang bygginga. Staðsetningin fellur vel að heildarskipulagi og framtíðarmynd Reykjavíkurborgar að mati borgaryfirvalda.

  • Byggingarkostnaður: Núvirtur byggingarkostnaður reiknast 21.ma.kr. hærri á nýjum stað en við Hringbraut. Fasteignir LSH við Hringbraut yrðu því að seljast á því verði til að kostirnir tveir teljist jafn kostnaðarsamir.

  • Rekstrarkostnaður: Núvirði aukins rekstrarhagræðis ef byggt er á nýjum stað frá grunni reiknast tæplega 3 ma. kr. að teknu tilliti til kostnaðar vegna truflunar á rekstri vegna framkvæmda á Hringbrautarlóð

  • Kostnaður við fólksflutninga: Hringbraut og Sævarhöfði virðast bestu kostirnir m.t.t. dreifingar notenda og starfsfólks og því kostnað við fólksflutninga. Aðrir kostir koma verr út í þeim samanburði.

  • Umferðarálag: Hringbrautarlóðin er við stórar samgönguæðar og mislæg gatnamót og ekki er talin þörf á meiriháttar umferðamannvirkjum við sameiningu starfsemi LSH við Hringbraut. Bygging spítala við Hringbraut og flutningur starfsemi þangað úr Fossvogi mun valda hlutfallslega lítilli aukningu á umferðarálagi á háannatíma.

Þá segir, að það sé mat KPMG að framangreindir þættir gefi ekki tilefni til að breyta fyrirliggjandi ákvörðun um að byggja nýjan spítala við Hringbraut.

Margir hafa gagnrýnt staðarvalið

Í tilkynningunni er tekið fram, að hlutverk KPMG hafi verið að yfirfara fyrirliggjandi gögn um hagkvæmni, kostnað, skipulagsmál og staðarval Nýs Landspítala (NLSH) og skrifa samantekt um helstu niðurstöður. Nánar tiltekið var verkefni KPMG eftirfarandi:

  • Rýna í helstu fyrirliggjandi gögn og skýrslur sem varða hagkvæmni, kostnað og skipulagsmál vegna staðsetningar NLSH.
  • Yfirfara helstu forsendur og útreikninga á hagkvæmni verkefnisins.
  • Yfirfara helstu forsendur að baki því að Hringbraut var valin sem framtíðarstaðsetning.
  • Yfirfara helstu efnisatriði þeirrar gagnrýni sem fram hafa komið á staðarval.
  • Leggja sjálfstætt og óháð mat á það hvort Hringbraut sé besti kostur með tilliti til hagkvæmni og annarra helstu áhrifaþátta miðað við þær upplýsingar sem fyrir liggja.

Þá er bent á, að ýmsir hafi gagnrýnt staðarvalið í ræðu og riti á undanförnum árum. Gagnrýnin hafi verið af ýmsum toga, en snúi að því að betra kunni að vera að byggja nýjan spítala á öðrum stað. Sú gagnrýni byggi yfirleitt á fimm megin atriðum:

  1. Skipulagsmál -Staðsetningin við Hringbraut sé ekki góð og byggi á úreltum forsendum. Jafnframt hafa komið fram athugasemdir við form og umfang bygginga.
  2. Byggingakostnaður, að frádregnu söluandvirði eigna, sé hærri á Hringbraut en á nýjum stað.
  3. Rekstur sé hagkvæmari ef nýr spítali er byggður frá grunni á nýjum stað.
  4. Kostnaður við fólksflutninga (starfsmenn, nemendur og aðstandendur sjúklinga) sé hár ef byggt er við Hringbraut
  5. Umferðarálag stofnbrauta fari yfir þolmörk ef byggt er við Hringbraut

„Lengi hefur verið unnið eftir þeirri stefnumörkun og ákvörðun að byggja nýjan spítala við Hringbraut. Það hefur verið talinn besti og hagkvæmasti kostur hvað staðsetningu varðar. Í skýrslu KPMG er varpað ljósi á það hvort ástæða sé til þess að breyta út af þeirri ákvörðun. Til þess hljóta að þurfa að vera afgerandi rök sem gera aðra staðsetningu mun betri eða hagkvæmari. Þetta er skoðað út frá helstu gagnrýnisatriðum sem fram hafa komið,“ segir í tilkynningunni.

mbl.is

Innlent »

40% nemenda ekki mætt í skólann

11:01 Fjörutíu prósent nemenda við Grunnskóla Fjallabyggðar mættu ekki í skólann í dag, en af 205 nemendum eru 122 mættir samkvæmt upplýsingum frá skólanum. Á Ólafsfirði eru 34 mættir af 91 nemanda, en 88 á Siglufirði af 114. Hluti forfallanna mun eiga sér eðlilegar skýringar. Meira »

Stjórn United Silicon fundar í dag

10:37 Stjórnarfundur hefst hjá United Silicon fyrir hádegi þar sem rætt verður um næstu skref hjá fyrirtækinu. Á fundinn mæta norskir sérfræðingar. Frestur sem Umhverfisstofnun veitti fyrirtækinu til að gera athugasemdir við fyrirætlanir stofnunarinnar um að stöðva starfsemi þess rennur út á miðnætti. Meira »

Jón Valur sýknaður af hatursorðræðu

10:35 Jón Valur Jensson guðfræðingur var í dag sýknaður í Héraðsdómi Reykjavíkur af ákæru um hatursorðræðu. Var í ákærunni talið að ummæli á blog-síðu hans fælu í sér háð, rógburð og smánun á opinberum vettvangi í garð ótilgreinds hóps manna vegna kynhneigðar og kynvitundar þeirra. Meira »

Fyrirsæta á níræðisaldri

08:18 „Ég geri ótrúlegustu hluti. Verkefnin eru þannig að alltaf dettur eitthvað skemmtilegt inn,“ segir Ragnar Bjarnason söngvari. Meira »

Þæfingsfærð og skafrenningur

08:08 Þæfingsfærð og skafrenningur er á Möðrudalsöræfum en annars staðar á Austurlandi er hálka, hálkublettir og sums staðar skafrenningur. Mjög hvasst er austanlands. Vegir eru greiðfærir á Suðausturlandi en sums staðar hvasst, samkvæmt upplýsingum frá Vegagerðinni. Meira »

Margir komnir í land eftir verkfall

07:57 Valmundur Valmundsson, formaður Sjómannasambandsins, segir að margir sjómenn hafi ekki snúið aftur á sjó að verkfalli loknu.  Meira »

Loksins er kuldinn að baki

06:39 Loksins sér fyrir endann á kuldanum, segir í hugleiðingum veðurfræðings Veðurstofu Íslands. Spáð er hlýnandi veðri og hiti verður 3 til 10 stig síðdegis á morgun. Meira »

Svona stundir eru alltaf hátíð

07:37 Nýjum ísfisktogara FISK Seafood á Sauðárkróki, Drangey SK 2, var hleypt af stokkunum í skipasmíðastöðinni Cemre í Tyrklandi á laugardagsmorgun. Meira »

Ölvaðir og dópaðir í umferðinni

06:34 Lögreglan á höfuðborgarsvæðinu stöðvaði för átta ökumanna í gærkvöldi og í nótt sem reyndust undir áhrifum áfengis eða fíkniefna. Meira »

Ölvaðir og til vandræða

06:26 Tveir menn voru handteknir í Reykjavík síðdegis í gær og vistaðir í fangageymslu vegna ölvunar og þess að þeir voru til vandræða. Annar þeirra er einnig grunaður um þjófnað. Meira »

Kirkjuviðgerð í blindgötu

05:30 Áætlaður kostnaður við miklar og óumflýjanlegar viðgerðir á Skálholtskirkju gæti orðið allt að 120 milljónir króna.   Meira »

Gylliboð í vaxandi netsvindli

05:30 Netsvindlarar sækja í vaxandi mæli að almenningi með gylliboðum og fölsuðum tölvupósti til að reyna að hafa fé af fólki. Nú er svo komið að kalla má netglæpi risavaxinn iðnað sem er í sókn. Meira »

Sinna fólki í ógöngum daglega

05:30 Stjórnvöld þurfa að haga málum þannig að sátt sé milli íbúa á hverju svæði og ferðamanna.  Meira »

Safna skuldum við þjóðkirkju

05:30 Í umsögn Biskupsstofu og kirkjuráðs um fjármálaáætlun ríkisins 2018-2022 kemur fram að áætlunin feli í sér að ríkissjóður safni skuldum við þjóðkirkjuna sem nemi um 1,7 milljörðum á ári. Meira »

Þekktur spæjari leitar Arturs

05:30 Fjölskylda Arturs Jarmoszko, sem ekkert hefur spurst til síðan 1. mars, safnaði fé til að ráða heimsþekktan pólskan einkaspæjara til að grennslast fyrir um afdrif hans. Meira »

Borað eftir vatni við Ölfusárbrúna

05:30 Ágætar vísbendingar hafa fengist í borun eftir heitu vatni á svonefndu Langanesi á Selfossi, það er örskammt frá vestari sporði Ölfusárbrúar. Meira »

Lokahnykkur á brúargólfi

05:30 Starfsmenn Vegagerðarinnar hafa nú hafist handa við endurbætur á gólfi Borgarfjarðarbrúarinnar og taka í ár lokahnykkinn í verkefni þessu sem hefur staðið yfir allt frá árinu 2012. Meira »

Næturlokun í Hvalfjarðargöngum

Í gær, 22:18 Hvalfjarðargöng verða verða lokuð kl. 22 að annað kvöld en á miðnætti næstu þrjú kvöld þar á eftir. Næturlokun ganganna á þessum tíma árs er hefðbundinn vor- og sumarboði, tími sem nýttur er til viðhalds af ýmsu tagi og hreingerningar. Meira »
Flott sumarföt, fyrir flottar konur
Vertu þú sjálf, vertu Bella Donna Fallegur og vandaður fatnaður, frá Hollandi, ...
GÖNGUGRIND
Til sölu lítið notuð göngugrind, upplýsingar í síma 6990930...
Kaupi notaðar hljómplötur. Sími 696 1909.
Kaupi notaðar hljómplötur. Sími 696 1909....
 
Hluthafafundur í ísarn ehf.
Fundir - mannfagnaðir
Hluthafafundur í Ísarn ehf. Í samræmi ...
Blaðberar keflavík
Ófaglært starfsfólk
Blaðbera vantar í Keflavík Áhugas...
Félagsstarf
Staður og stund
Aflagrandi 40 Opin vinnustofa kl 9, morg...
Framhald uppboðs
Nauðungarsala
Uppboð Einnig birt á www.naudungarsolu...