Fyrirhuguð lokun grunnskólans á Hvanneyri hefur valdið megnri óánægju í sveitinni. Sveitarstjórn Borgarbyggðar fundaði með íbúum í gærkvöldi og mættu hátt í 200 íbúar.
Mikill hiti var í fundarmönnum og lýstu fundarmenn yfir algjöru vantrausti á meirihluta sveitastjórnar Borgarbyggðar. Uppskar vantrausttillagan mikið lófaklapp fundarmanna.
Einn fundarmanna sagði í samtali við Morgunblaðið að nokkrir hefðu tárast í ræðupúlti og vildu margir að slíta ætti sveitina úr Borgarbyggð þar sem meirihlutinn bæri ekki hag heildarinnar fyrir brjósti.