Slitastjórn Glitnis hefur nú 120 daga til að fá nauðasamning samþykktan af kröfuhöfum og staðfestan af dómstólum.
Takist það ekki mun stöðugleikaskattur leggjast á eignir búsins í stað þess stöðugleikaframlags sem helstu kröfuhafar Glitnis hafa fallist á að greiða í ríkissjóð við samþykkt nauðasamnings. Munurinn á skattinum og framlaginu gæti numið allt að 174 þúsund milljónum króna.
Í umfjöllun um mál þetta í ViðskiptaMogganum í dag segir, að aðilar tengdir Glitni telji að tímaramminn sem slitastjórninni er markaður sé í allra stysta lagi og að minnstu tafir gætu orðið til þess að ferlið tefðist fram yfir áramót og gert möguleikann á samþykkt nauðasamnings að engu.