Eykon Energy og samstarfsaðilar eru að hefja frekari rannsóknir á Drekasvæðinu.
Rannsóknarskipið Oceanic Challenger sigldi frá Reyðarfirði áleiðis á svæðið í gær. Verða tveir staðir á íslenska hluta Jan Mayen-svæðisins, eða Drekasvæðinu, rannsakaðir sérstaklega en leiðangurinn tekur um mánuð.
Kostnaður við þennan hluta olíuleitarinnar er um milljarður króna, að því er fram kemur í umfjöllun um verkefnið í Morgunblaðinu í dag.