Er þetta Íslandsmet í sóðaskap?

Vegfarendur við Skólavörðustíg í Reykjavík ráku upp stór augu í gærkvöldi. Við fyrstu sýn virtist komið nýtt listaverk í götuna. Við nánari skoðun í kvöldmyrkrinu kom í ljós að einhver hafði komið fyrir heilum plaststól í ruslatunnu á horni Skólavörðustígs og Týsgötu.

Eins og myndin hér sýnir má teljast nokkurt afrek að troða stólnum í tunnuna, sem er með fjórum hólfum til aðgreiningar fyrir endurvinnslu.

Plastumbúðir eiga heima í sérstökum grenndargámum í hverfum borgarinnar, eða hjá Sorpu. Svona sorplosun er óheimil.

Sú spurning vaknar hvort þetta sé Íslandsmet í sóðaskap.

• 1 blogg um fréttina

Bloggað um fréttina

• Gunnar Heiðarsson: Útilistaverk?