Í gær tilkynnti Reykjaneshöfn að vegna dráttar á samningsbundnum greiðslum til hennar hefði höfnin óskað eftir fjármögnun frá Reykjanesbæ til að geta staðið skil á skuldbindingum sínum sem eru á gjalddaga 15. október næstkomandi.
Í umfjöllun um mál þetta í Morgunblaðinu í dag segir Friðjón Einarsson, formaður bæjarráðs Reykjanesbæjar, sveitarfélagið ekki í stakk búið til að leggja höfninni lið.
„Við erum í viðræðum við kröfuhafa núna en það er alveg ljóst að ríkið verður að koma að þessu máli og leggja okkur lið með sambærilegum hætti og gert hefur verið vegna uppbyggingar á Bakka við Húsavík,“ segir Friðjón en skuldir Reykjaneshafnar eru m.a. tilkomnar vegna uppbyggingar í Helguvík.