Búið er að koma upp þjónustusíðum fyrir eigendur bifreiða frá Volkswagen þar sem þeir geta flett upp hvort að bifreið þeirra innihaldi hugbúnaðinn sem þýski bílarisinn notaði til að svindla á útblástursprófum. Haft verður samband við viðskiptavini sem málið varðar fljótlega, að því er segir í tilkynningu frá Heklu.

Þjónustusíðurnar er að finna bæði á skoda.is og volkswagen.is. Þar geta viðskiptavinir gengið úr skugga um hvort að bílar þeirra innihaldi hugbúnaðinn. Aðeins þarf verksmiðjunúmer bílsins til þess að fletta honum upp en það er að finna í skráningarskírteini og á yfirbyggingu bílsins.

„Haft verður samband við hvern og einn viðskiptavin sem málið varðar eins fljótt og auðið er. Auk leitarvéla á þjónustusíðum er einnig að finna mikilvæg svör um framvindu mála hjá Volkswagen Group en upplýsingar eru uppfærðar reglulega,“ segir í tilkynningunni.

Ennfremur er bent á að ákveðins misskilnings hafi gætt í umræðu síðustu daga þar sem rætt hafi verið um útblástur koltvísýrings í tengslum við mál dísilvéla EA189.

„Hið rétta er að hugbúnaðurinn sem um ræðir olli frávikum á gildum fyrir köfnunarefnisoxíð (NOx) meðan útblástursprófið var framkvæmt en ekki CO₂. Ólíkt CO₂ hefur NOx útblástur ekki áhrif á innflutnings- og bifreiðagjöld,“ segir í tilkynningunni.

Bein slóð á leitarvél Volkswagen

Bein slóð á leitarvél Skoda

Tengdar fréttir

Svindl Volkswagen

Fyrrverandi stjóri Audi áfrýjar í hneykslismáli

• Volkswagen greiðir 18 milljarða í sekt
• Húsleit á tíu stöðum
• Sex ákærðir vegna útblásturshneykslis VW
• 450 þúsund bílaeigendur í mál við Volkswagen

» Fleiri tengdar fréttir

• Blogga um frétt