Lögreglan á Austurlandi hefur óskað eftir að gæsluvarðhald yfir hollenska parinu sem grunað er um stórfellt fíkniefnabrot verði framlengt um tvær vikur.
Konan er ekki lengur í einangrun og hefur verið flutt í fangelsið á Akureyri. Maðurinn dvelur áfram í einangrun í fangelsinu á Litla-Hrauni.
Að sögn Jónasar Wilhelmssonar Jensen, yfirlögregluþjóns á Eskifirði, var tekin skýrsla af parinu síðastliðinn föstudag og í kjölfarið var ákveðið að ekki þætti ástæða til að konan væri lengur í einangrun.
Ekki eru frekari upplýsingar að fá um rannsókn málsins. Gæsluvarðhaldið yfir parinu rennur út í dag.
Frétt mbl.is: Parið yfirheyrt í þessari viku