Heildarfjárfestingar sjávarútvegsfélaga í varanlegum rekstrarfjármunum námu 27 milljörðum króna á síðasta ári og hafa ekki verið meiri frá árinu 2002.
Fjárfestingar í sjávarútvegi hafa meira en tvöfaldast á milli áranna 2013 og 2014. Þetta er meðal þess sem Jónas Gestur Jónasson, löggiltur endurskoðandi og meðeigandi Deloitte, mun fjalla um á Sjávarútvegsdeginum sem haldinn er í Hörpu í dag.
Í samtali við ViðskiptaMoggann í dag segir hann að fjárfestingar hafi verið rólegar frá hruni enda hafi félögin einbeitt sér mikið að því að borga niður skuldir. „En nú er komið gríðarlegt stökk í fjárfestingarnar.“