Um tíu leytið í gærkvöldi var tilkynnt um rúðubrot í verslun í austurhluta borgarinnar og að tveir menn hafi sést hlaupa frá vettvangi. Annar maðurinn var handtekinn skömmu síðar og vistaður í fangageymslu fyrir rannsókn máls en hann var í mjög annarlegu ástandi.
Um þrjú í nótt var síðan maður í annarlegu ástandi handtekinn í miðborginni grunaður um eignaspjöll en hann er grunaður um að hafa brotið rúðu á hóteli við Laugaveg. Maðurinn vistaður í fangageymslu þar til hægt verður að ræða við hann.
Rúmlega átta í gærkvöldi var tilkynnt um innbrot í geymslur við Tröllakór. Þaðan var stolið verkfærum, útilegubúnaði ofl.