Undirbúningur er vel á veg kominn að kvikmyndinni Víkingr í leikstjórn Baltasars Kormáks.
Hann segist í samtali við Morgunblaðið dreyma um að gera þrjár kvikmyndir í þríleik sem verði að langmestu leyti tekinn upp á Íslandi. Áætlaður kostnaður við að framleiða fyrstu myndina samsvarar 7,5-12,5 milljörðum króna. Kostnaðurinn fari svo stighækkandi í annarri og þriðju myndinni ef verkefnið verður að veruleika.
Í umfjöllun um mál þetta í Morgunblaðinu í dag kemur fram, að Baltasar benti á það í fyrirlestri í Reykjavík í gær að kvikmyndagerð ætti umtalsverðan þátt í fjölgun erlendra ferðamanna á Íslandi.