Hefðu stjórnvöld og samtök ferðaþjónustunnar tekið mark á spám Vilhjálms Bjarnasonar árið 2001, hefði hin mikla fjölgun erlendra ferðamanna til landsins ekki þurft að koma þeim jafn mikið á óvart og raun ber vitni.

Fyrir nokkrum dögum greindi Ferðamálastofa frá því að erlendir ferðamenn hingað til landsins væru nú orðnir fleiri en ein milljón á árinu. Þessu spáði Vilhjálmur, þá starfsmaður Þjóðhagsstofnunar, nú alþingismaður, á ársfundi Samtaka ferðaþjónustunnar fyrir tæpum fimmtán árum.

„Þessu var þokkalega tekið,“ segir Vilhjálmur í Morgunblaðinu í dag. „En hvorki stjórnvöld né ferðaþjónustan gerðu nokkuð með þetta.“ Betur hefði mátt undirbúa ýmislegt sem snýr að mótttöku, dvöl og ferðalögum útlendinga um landið ef menn hefðu notað upplýsingarnar markvisst þegar þær komu fram, segir í blaðinu.

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir