Drónaflug í þéttbýli verði bannað

Lagt er bann við flugi dróna yfir þéttbýli, ferðamannastaði, fjöldasamkomur og við opinberar byggingar, samkvæmt drögum að reglugerð um þetta efni sem innanríkisráðuneytið kynnti í gær.

Verði reglugerðardrögin staðfest í núverandi mynd verður óheimilt að fljúga dróna nema í 1,5 kílómetra fjarlægð utan flugvallar. Þá má loftfarið hæst fara í 120 metra og aldrei úr augnsýn stjórnanda.

Leyfi þarf hjá Samgöngustofu fyrir flygildinu vegi það meira en 30 kíló eða ef það er, óháð þyngd, notað í atvinnuskyni. Undanþegin regluverki eru loftför sem framleidd eru sem leikföng til nota fyrir börn undir 14 ára aldri.