Tekin var ákvörðun á fundi Sigmundar Davíðs Gunnlaugssonar forsætisráðherra og Davids Camerons, forsætisráðherra Bretlands, 28. október að setja af stað vinnu við að kanna mögulega raforkutengingu á milli landanna í gegnum sæstreng. Ennfremur að könnuð yrðu nánar þau efnahagslegu og félagslegu áhrif sem lagning slíks sæstrengs gæti haft í för með sér. Þetta kemur fram í fréttatilkynningu frá atvinnuvegaráðuneytinu. 

„Nú þegar er að störfum á vegum atvinnuvega- og nýsköpunarráðuneytis verkefnisstjórn sem hefur það hlutverk að hafa yfirumsjón með framgangi ákveðinna verkefna um áhrifaþætti sæstrengs. Á fundi ríkisstjórnar í morgun var samþykkt að verkefnisstjórnin taki einnig við því verkefni að eiga könnunarviðræður við Breta um lagningu sæstrengs. Verkefnisstjórnin verður stækkuð af því tilefni og í hana bætast fulltrúar frá forsætisráðuneyti og fjármála- og efnahagsráðuneyti,“ segir ennfremur í tilkynningunni.

Vinnan verði áfram leidd af atvinnuvega- og nýsköpunarráðuneytinu en hún felist í könnunarviðræðum við aðila sem bresk stjórnvöld tilnefna í verkefnið um verðlagningu, fjármögnun og regluverk við lagningu sæstrengs. „Tekið hefur verið fram að athugun á verkefninu er á frumstigi á Íslandi og ákvörðun um framhald þess mun krefjast mikillar yfirlegu og umræðu. Stefnt er að því að verkefnisstjórnin skili niðurstöðum úr þessum könnunarviðræðum innan sex mánaða.“

Tengdar fréttir

Sæstrengur milli Íslands og Bretlands

„Blessast svo lengi sem ekki verður hvirfilbylur“

• Hótar að færa sæstrengsverkefni til Þýskalands
• Ákvörðun um sæstreng fyrir næsta ár
• Ekki gert ráð fyrir stórvirkjunum
• Engin ákvörðun tekin strax

» Fleiri tengdar fréttir

• 4 blogg um fréttina

Bloggað um fréttina

• Ægir Óskar Hallgrímsson: Láta Bretana leggja strenginn!!
• Ómar Ragnarsson: Ekki orð um áhrif sæstrengs á náttúru landsins.
• Steindór Sigursteinsson: Verður lagning sæstrengs til Englands til hagsbóta fyrir Íslenska neytendur?
• Gunnar Heiðarsson: Gin ljónsins