Orðum aukið er að íbúð í Hlíðahverfinu í Reykjavík hafi verið „sérútbúin fyrir þessar athafnir.“ Þetta sagði Alda Hrönn Jóhannsdóttir, yfirlögfræðingur á skrifstofu lögreglustjórans á höfuðborgarsvæðinu, í Sídegisútvarpi Rásar 2 í dag. Tveir menn eru grunaðir um að hafa nauðgað konum í íbúðinni en sú ákvörðun lögreglu að fara ekki fram á gæsluvarðhald yfir mönnunum hefur vakið hörð viðbrögð í dag.

Fram kom í frétt Fréttablaðisins í dag að íbúðin hafi verið sérútbúin til þess að beita kynferðislegu ofbeldi með tækjum til obeldisiðkunar. Alda Hrönn sagði þetta ekki rétt, en lögreglan sendi frá sér tilkynningu í dag um að ekki væri allt sem fram hefði komið í fjölmiðlum í dag í samræmi við þau gögn sem hún hefði undir höndum. Alda sagði það einna helst vera atriðið með íbúðina. 

Fundað hefði verið um málið í hádeginu hjá lögreglunni en engin niðurstaða orðið á þeim fundi. Málið hafi verið rýnt og farið yfir málsatvik. Ekki hafi verið tekin afstaða til þess hvort um mistök hafi verið að ræða þegar ekki var ákveðið að fara fram á gæsluvarðhald yfir mönnunum tveimur. Þessi ákvörðun hafi verið tekin og eftir væri að fara yfir hvort sú ákvörðun hafi verið rétt.

Tengdar fréttir

Kynferðisbrot

Landsréttur mildar þriggja ára nauðgunardóm

• Þriggja ára nauðgunardómur staðfestur
• Sýknuð af ákæru um að ljúga til um nauðgun
• Dómur vegna kynferðisbrota árið 2017 óraskaður
• Fær ekki að áfrýja dómi í kynferðisbrotamáli

» Fleiri tengdar fréttir

• 2 blogg um fréttina

Bloggað um fréttina

• Ingibjörg Magnúsdóttir: Lögreglan á fullu blasti að tjá sig um kæru í …
• Ólafur Örn Jónsson: Krókar, keðjur og svipur ekki "sérbúnaður" að mati lögreglunnar????