Horfðust í augu við dauðann í 72 tíma

Þórður Guðlaugsson (t.v.) ásamt Óttari Sveinssyni í útgáfuhófinu í gær, ...
Þórður Guðlaugsson (t.v.) ásamt Óttari Sveinssyni í útgáfuhófinu í gær, í tilefni af útkomu nýjustu Útkallsbókar Óttars sem fjallar um óveðrið og hörmungarnar á Nýfundnalandsmiðum í ársbyrjun 1959. mbl.is/Eggert Jóhannesson

„Við vorum sannarlega í mikilli hættu og allir skipverjar hræddir. Enginn sem þarf að horfast í augu við dauðann í 72 tíma, og veit ekki á hvorn veg fer, kemst hjá því að finna til hræðslu,“ segir Þórður Guðlaugsson, fyrrverandi vélstjóri, þegar hann rifjar upp svaðilför díseltogarans Þorkels mána RE 205 á Nýfundnalandsmið snemma árs 1959. Þórður, sem nú er 82 ára gamall, var 1. vélstjóri um borð í þessari eftirminnilegu ferð. Atburðirnir eru rifjaðir upp í nýútkominni bók Óttars Sveinssonar, Útkall í hamfarasjó.

Fleiri íslensk fiskiskip voru á miðunum við Nýfundnaland þegar þar skall á eitthvert allra versta sjóveður sem Íslendingar hafa lent í á síðustu öld. Auk Þorkels mána voru þar Harðbakur, Júní, Júlí, Marz, Norðlendingur, Bjarni riddari og fleiri skip. Á skipin öll hlóðst stórhættuleg ísing. Sjórinn var mínus tvær gráður. Á þriðja hundrað íslenskir togarasjómenn voru í lífshættu. Einn togaranna, Júlí frá Hafnarfirði, fórst í óveðrinu og með honum 30 skipverjar. Á tímabili lá Þorkell máni fulllestaður eins og borgarísjaki á hliðinni. Öldurnar í kring voru á við átta hæða hús. Barist var upp á líf og dauða við að berja ís.

Losuðu sig við bátana

Þórði Guðlaugssyni er í fersku minni hvernig nær örmagna skipverjarnir stóðu í ógnarveltingi og blindbyl úti á glerhálli ísingunni með járnbolta, sleggjur og önnur tiltæk barefli. Vegna klakabunkanna sást vart í brúna á skipunum – vírar og kaðlar voru eins og tunnubotnar að þykkt. Brá áhöfn Þorkels mána á það örþrifaráð að losa sig við björgunarbátana og logskera davíðurnar í burtu til að létta skipið.

Svo svart var ástandið um tíma að skipstjórinn, Marteinn Jónasson, hugleiddi að láta möstrin fara líka. Annaðhvort yrði ísinn barinn af eða dauðinn einn blasti við. Og til allrar hamingju hafði áhöfnin betur í viðureigninni við höfuðskepnurnar. Skipti sköpum að togarinn Mars kom Þorkeli mána til aðstoðar.

„Atburðirnir höfðu mikil áhrif á flesta skipverjana og margir voru lengi að jafna sig,“ segir Þórður. Sumir voru orðnir óvinnufærir vegna þreytu, ótta og meiðsla í miðjum hamaganginum. Nokkrir hættu sjómennsku þegar heim kom, aðrir fundu sér pláss í skipum á öruggari miðum.

Sjálfur hélt Þórður sínu striki og fór með Þorkeli mána í næsta veiðitúr. Árið 1966 fór hann í land um tíma, en varð síðar vélstjóri á Þormóði goða, Bjarna Benediktssyni en lengst á togaranum Ottó N. Þorlákssyni.

Í hófi sem haldið var í gær í tilefni af útgáfu bókarinnar voru auk Þorkels, loftskeytamaðurinn á Þorkeli mána, Valdimar Tryggvason, stýrimaðurinn á Mars, Albert Stefánsson, og Arngrímur Jóhannsson flugmaður sem var loftskeytamaður á Harðbaki. Þar voru einnig margir aðstandendur skipverja og börn sjómannanna af Júlí frá Hafnarfirði.

Bloggað um fréttina

Innlent »

Ökklabrotinn göngumaður á Arnarstapa

21:28 Björgunarsveitir Landsbjargar eru að aðstoða göngufólk í vanda á þremur stöðum nú í kvöld. Rétt fyrir átta var tilkynnt um ökklabrotinn göngumann á gönguleiðinni á milli Arnarstapa og Hellna á Snæfellsnesi. Meira »

„Erum í raun einir á fjallinu“

21:21 „Ég ætlaði reyndar að fara 2020 en svo dó pabbi um jólin þannig að ég ákvað bara að drífa mig af stað,“ segir John Snorri Sigurjónsson í samtali við mbl.is. Svartaþoka, drunur frá snjóflóðum, snjóhengjur og sprungur í fjallinu hafa sett mark sitt á för hans á tind fjallsins K2. Meira »

Villtist á fjalli við Seyðisfjörð

21:13 Kona villtist vegna þoku í grennd við Hánefstaðafjall við Seyðisfjörð. Búið er að staðsetja konuna með GPS-tækjum og bíður hún þess að vera sótt og ferjuð niður. Meira »

Þriðji stóri skjálftinn á Reykjanesskaga

20:59 Þriðji jarðskjálftinn sem mældist í kringum fjóra að stærð varð á Reykjanesskaga um hálfníuleytið í kvöld.  Meira »

Fylgdust með tapinu á Ingólfstorgi

20:41 Töluverður hópur fólks var saman komin á Ingólfstorgi í kvöld til að fylgjast með leik Íslands og Austurríkis á EM. Blái liturinn var áberandi hjá áhorfendum sem augljóslega voru komnir til að styðja sínar konur. Meira »

Hundarnir njóta nuddsins

20:30 Þegar hundur Berglindar Guðbrandsdóttur tognaði fór hún með hann í hundanudd. Í kjölfarið ákvað hún að læra sjálf hundanudd, sem hún segir þurfa að vera gert á forsendum hundsins. Meira »

Tveir með annan vinning í Víkingalottó

19:53 Enginn var með allar tölur réttar í Vík­ingalottó­inu í kvöld, en fyrsti vinningur var tæpir 1,3 milljarðar króna. Tveir hlutu hins vegar annan vinning og fær hvor þeirra 15 milljónir króna í sinn hlut. Var annar miðinn keyptur á Íslandi en hinn í Noregi. Meira »

Slasaðist á Esjunni

20:15 Sækja þurfti konu upp á Esjuna í dag sökum þess að hún hafði meitt sig á ökkla og gat ekki haldið áfram göngu. Konan var komin upp í miðjar hlíðar fjallsins er hún slasaðist. Slökkviliðið á höfuðborgarsvæðinu notaði sexhjól til að koma konunni niður. Meira »

Hver á rétt á verðmætunum?

19:53 Margir hafa spurt sig hvar eignarréttur á verðmætum í efnahagslögsögu landsins liggur, eftir að norska rannsóknarskipið Seabed Constructor hóf rannsóknir við þýska flakið Minden fyrr á árinu. Hver á rétt á verðmætum í skipinu, sem gætu verið upp á milljarða króna? Meira »

Ekkert eftirlit með fitufrystingu

19:30 „Því er auðvitað tekið mjög alvarlega þegar fólk verður fyrir tjóni,“ segir Haraldur Briem, settur landlæknir, en eins og Sunnudagsblað Morgunblaðsins greindi frá um síðustu helgi kom eitt versta kalsártilvik vegna fitufrystingar á heimsvísu upp hér á landi á síðasta ári. Meira »

Tengslin við náttúruna eru mikilvæg

18:25 „Margir þjást af streitu og áreiti í daglegu lífi og á námskeiðinu einbeitum við okkur að græðandi áhrifum náttúrunnar.“ Þetta segir Kristín Þorleifsdóttir en hún mun, ásamt Bandaríkjamönnunum Greg og Devon Hase, halda námskeið í hugleiðslu og núvitund í Skyrgerðinni í Hveragerði. Meira »

Yfirlæknar æfir vegna starfsauglýsingar

17:45 Mikil óánægja ríkir meðal yfirlækna á rannsóknarsviði Landspítala eftir að staða yfirlæknis erfða- og sameindalæknisfræðideildar var auglýst laus til umsóknar. Það sem gerir málið sérstakt er að núverandi yfirlæknir deildarinnar hefur ekki sagt upp eða verið sagt upp. Meira »

Sólarstundir nýttar í Laugardalnum

17:02 Veðrið hefur leikið við íbúa höfuðborgarsvæðisins í dag þar sem hiti mældist 20 gráður líkt og víða um land. Í Fjölskyldu- og húsdýragarðinum var að vonum fjölmenni sem nýtti sér góða veðrið til að bregða á leik. mbl.is var á staðnum og kíkti á stemninguna. Meira »

Töluverðar blæðingar í Norðurárdal

15:24 „Við erum að reyna komast að því hvað er að,“ segir Jón Helgi Helgason, verkefnastjóri hjá Vegagerðinni, um dularfullar tjörublæðingar í Norðurárdal í Borgarfirði. Blæðingarnar eru töluverðar. Meira »

Bíða með óþreyju eftir nýrri reglugerð

14:20 Smábátaeigendur eru nú sagðir bíða með óþreyju eftir reglugerð frá sjávarútvegsráðuneytinu um viðbótarheimildir í makríl. Greint er frá þessu á vef Landssambands smábátaeigenda. Meira »

Skjálfta­hrinan stendur enn

16:45 Skjálfta­hrinan, sem hófst norðaust­an við Fagra­dals­fjall á Reykja­nesskaga í morg­un, stendur enn. Á annað hundrað skjálfta hefur mælst síðan í morgun, þar sem flestir voru af stærðinni 1,0 og 2,0. Þá hafa mælst sjö skjálftar sem hafa verið um 3,0 að stærð eða stærri. Meira »

John Snorri kominn í síðustu búðir

14:53 John Snorri Sigurjónsson var rétt í þessu að komast upp í fjórðu búðir á fjallinu K2. Dagurinn var langur og erfiður og nú er hópurinn að taka stöðuna á því hvenær skuli haldið áfram á toppinn. Meira »

Skjálfti að stærð 4 við Fagradalsfjall

14:20 Skjálfti að stærð 4,0 með upp­tök um tvo og hálfan kílómetra aust­an við Fagra­dals­fjall á Reykja­nesskaga varð kl. 13.55. Rétt fyrir hádegi, klukkan 11.40, mældist annar jarðskjálfti að stærð 3,9. Meira »
Borðstofuborð
Til sölu borðstofuborð. 180cm x100 með 2x 55 cm stækkunum. Verðhugmynd 50.000 ...
Hársnyrtistóll með pumpu
Góður og þægilegur hársnyrtistóll auðvelt að skipta um áklæði. Verðhugmynd 15-20...
GLÆSILEGT HÚS T LEIGU Í VENTURA FLORIDA
Í húsi sem er v. 18 holu golfvöll eru 3 svh. m. sjónv., 2 bh., 1 wc, stór stofa,...
Nudd Nudd Nudd
Relaxing Nudd Down Town Reykjavik, S. 6959434, Alima...
 
Félagsstarf
Staður og stund
Árskógar 4 Smíðar/útskurður m./leiðb. kl...
Deiliskipulag
Tilboð - útboð
Kjósarhreppur Kjósarhreppur a...
Samkoma
Félagsstarf
Samkoma kl. 20 í Kristniboðs- salnum. R...
Framhald uppboðs
Nauðungarsala
Uppboð Einnig birt á www.naudungarsolu...