Frá ársbyrjun 2014 til loka október á þessu ári hefur fjármálaráðuneytið greitt nærri 240 milljónir króna vegna sérfræði-, ráðgjafar- og kynningarstarfa.
Kemur þetta fram í svari Bjarna Benediktssonar fjármálaráðherra við fyrirspurn Katrínar Jakobsdóttur, þingmanni Vinstri grænna.
Spurt var: „Hversu miklu fé hefur verið varið til kaupa á sérfræði-, ráðgjafar- og kynningarstörfum fyrir ráðuneytið frá upphafi árs 2014? Hverjir hafa fengið greiðslur af þessum ástæðum og fyrir hvaða verkefni?“
En í svari Bjarna segir að „tilfallinn kostnaður vegna kaupa eða milligöngu ráðuneytisins um kaup á sérfræði-, ráðgjafar- og kynningarstörfum nam 109.8557.221 kr. á árinu 2014 og 128.051.929 kr. á árinu 2015, fram til loka októbermánaðar.“
Eru því næst taldir upp 53 aðilar sem unnu tilgreind verkefni.