Gert er ráð fyrir því að slegið verði í gegn í Vaðlaheiðargöngum haustið 2016, miðað við að hægt verði að bora frá báðum endum frá því í mars á næsta ári.
Lokafrágangur tekur um 14 mánuði og ætti því að vera hægt að opna göngin fyrir árslok 2017, að því er fram kemur í umfjöllun um gangnagerðina í Morgunblaðinu í dag.
Valgeir Bergmann, framkvæmdastjóri Vaðlaheiðarganga hf., og Ágúst Torfi Hauksson stjórnarformaður mættu á fund umhverfis- og samgöngunefndar Alþingis í gær að beiðni nefndarinnar. Þeir greindu frá stöðu mála við gangagerðina og svöruðu spurningum.