Leikskólakennarar skrifa undir nýjan samning

Mynd úr safni.
Mynd úr safni. mbl.is/Skapti Hallgrímsson

Samninganefnd Félags leikskólakennara skrifaði undir nýjan kjarasamning við Samband íslenskra sveitarfélaga um klukkan 22 í gærkvöldi. Gildistími samningsins er frá 1. júní 2015 til 31. mars 2019.

Þetta kemur fram á vef Kennarasambands Íslands.

Kjarasamningurinn verður kynntur um helgina og í næstu viku. Auglýsing um nánari fundartíma og fundarstaði verður send út fljótlega sem og upplýsingar um hvernig atkvæðagreiðslu um kjarasamninginn verður háttað.

mbl.is
Fleira áhugavert
Fleira áhugavert