Jólaljósin voru tendruð á bæjarjólatré Húsvíkinga síðdegis í stilltu veðri en örlitlum éljagangi. Athöfnin var fjölmenn og dagskráin með hefðbundnum hætti.
Knattspyrnustúlkur úr Völsungi sungu jólalög við undirleik Guðna Bragasonar og séra Sighvatur Karlsson flytja stutta hugvekju. Guðrún Kristinsdóttir formaður Völsungs flutti ávarp í forföllum sveitarstjóra Norðurþings og Soroptimistaklúbbur Húsavíkur með kakósölu eins og mörg undanfarin ár.
Þá komu jólasveinar til byggða sem sungu og dönsuðu í kringum jólatreð með bæjarbúum ásamt því að gefa ungviðinu jólaepli.
Jólatréð sem stendur á flötinni sunnan Samkomuhússins kom að þessu sinni úr garði Guðrúnar Steingrímsdóttur og Gunnars Jóhannessonar við Álfhól 6 á Húsavík.