Mesti snjór á landinu í Reykjavík

Í gærmorgun var jörð alhvít í fyrsta sinn á þessu hausti í Reykjavík. Snjódýptin var sú fjórða mesta í Reykjavík frá því Veðurstofan var stofnuð árið 1920.

„Og það munar aldeilis um það. Snjódýptin var mæld 21 cm sem er sú mesta á landinu ásamt Ólafsfirði. En Ólafsfjörður er snjóasveit en Reykjavik er snjóléttur staður og þar er sárasjaldan mestur snjór á öllu landinu einhvern dag,“ ritar Sigurður Þór Guðjónsson veðursagnfræðingar á Moggabloggið í gær.

Síðast var alhvítt í höfuðborginni 11. apríl í vor og hefur því verið snjólaust í 228 daga, 24 dögum lengur en meðaltal þessarar aldar og 28 dögum lengur en meðaltalið frá og með 1949, segir Sigurður.