Tíðindalítið var hjá lögreglu á höfuðborgarsvæðinu í nótt, en þó voru nokkrir ökumenn stöðvaðir vegna ölvunaraksturs og tilkynnt var um líkamsárás á skemmtistað á öðrum tímanum í nótt. Þolandi var fluttur á slysadeild til skoðunar en ekki er vitað um gerendur.
Þá slasaðist kona á höfði eftir slys á skemmtistað og var hún einnig flutt til skoðunar á slysadeild.
Lögreglu var í nótt tilkynnt um innbrot og þjófnað í fyrirtæki í austurbænum og í Grafarvogi var tilkynnt um rúðubrot í sjoppu.