„Þetta er alvanalegt vetrarveður,“ segir Sveindís Guðfinnsdóttir, bóndi og flugvallarstjóri í Kjörvogi í Árneshreppi á Ströndum.
Leiðin þangað norður er nú ófær, en verður væntanlega rudd á þriðjudaginn ef veður leyfir.
Ekki hefur verið flogið til Gjögurs í tæpa viku. Flug Ernis, sem var á áætlun síðastliðinn föstudag, féll þá niður vegna snjókomu. „Leiðindi í veðrinu hófust fyrir helgina og standa enn og núna er hér svartabylur. En það væsir ekkert um okkur,“ segir Sveindís í Morgun blaðinu í dag.