Veðurspár fyrir daginn í dag hafa gengið eftir að mestu leyti samkvæmt upplýsingum frá Veðurstofu Íslands. Farið er að draga úr vindi á Suðurnesjum og á höfuðborgarsvæðinu en enn á eftir að bæta í snjókomuna.
Veðrið færist nú yfir á Norð- og Norðausturland. Á morgun er búist við vonskuveðri á Norðurlandi frameftir degi.
Frétt mbl.is: Óveður víða
Veðurhorfur næsta sólarhringinn:
Gengur í austan 15-25 m/s með snjókomu og skafrenningi, fyrst SV-lands, en síðar einnig á N- og A-landi. Snýst í mun hægari vestanátt S- og V-lands seinni partinn. Suðvestan 8-13 og víða él á morgun, en vestan og norðvestan 15-23 og snjókoma NA-til fram eftir degi. Frost víða 0 til 8 stig, en frostlaust SA-ströndinni um tíma í dag.