Nýta tíðnisviðin á háhraða

Möguleikar símafyrirtækjanna aukast á notkun tíðna fyrir háhraða farsímaþjónustu verði frumvarp innanríkisráðherra um að fella burt lög um þriðju kynslóð farsíma samþykkt sem lög frá Alþingi.

Um er að ræða 2100 MHz tíðnisviðið sem var á árinu 2006 að mestu úthlutað til þriggja farsímafyrirtækja til að veita þriðju kynslóðar farsímaþjónustu (3G).

Tilgangurinn með afnámi laganna er að geta úthlutað þessum hluta af tíðnisviðinu fyrir fjórðu kynslóð farsímaþjónustu (4G), að því er fram kemur í umfjöllun um mál þetta í Morgunblaðinu í dag.