Samtök atvinnulífsins (SA) munu á næstu dögum funda með stjórnvöldum um lækkun tryggingagjalds.
Í umfjöllun um mál þetta í Morgunblaðinu í dag segir Þorsteinn Víglundsson, framkvæmdastjóri SA, lækkun gjaldsins „skilvirkustu leiðina til að vinna á móti mikilli kostnaðaraukningu vegna kjarasamninga“.
„Við höfum ekki fengið önnur viðbrögð en skilning á vandanum. Það er áformað að funda í vikunni,“ segir Þorsteinn um næstu skref í málinu.