Listaverk Ólafs Elíassonar, Ice Watch, var frumsýnt í gær, en það samanstendur af tólf brotum úr ísjökum sem hefur verið stillt upp í hring á Panthéon-torginu í París.
Verkið er sett upp í tilefni loftslagsráðstefnu Sameinuðu þjóðanna í París, en með verkinu vonast Ólafur til að vekja fólk til umhugsunar um hlýnun jarðar og bráðnun pólanna með því að varpa einhverju sem áður var afstæð hugmynd inn í raunveruleika fólks.