„Hef ekki stöðu til þess að snerta við þessu máli“

Ólöf segir ákvörðunina við að senda fólk úr landi aldrei ...
Ólöf segir ákvörðunina við að senda fólk úr landi aldrei léttvæga. mbl.is/Eggert Jóhannesson

Ólöf Nordal, innanríkisráðherra segist skilja þær heitu tilfinningar sem almenningur hefur tjáð á samfélagsmiðlum vegna brottflutnings albanskra hælisleitenda í nótt. Í hópnum voru m.a. tveir langveikir drengir úr sitthvorri fjölskyldunni.

„Ég skil afskaplega vel þessar heitu tilfinningar og geri engar athugasemdir við það þótt fólk beini spjótum að mér. Á móti hlýt ég þó að biðja fólk um að skilja að ég get ekki gert það sem ég hef ekki heimild til að gera.“

Ólöf segir það verða að vera skýrt að hún taki ekki ákvarðanir um örlög hælisleitenda. Hún hafi ekki aðkomu að þeim og ekki innsýn í nákvæman rökstuðning bakvið hvert og eitt mál þar sem það þarf ekki að kynna þessar ákvarðanir fyrir ráðuneytinu. 

Ólöf segir það hafa verið ákveðið í mikilli samstöðu á Alþingi að færa úrskurðarvald í málefnum hælisleitenda frá ráðherra til úrskurðarnefndarinnar. Þar með séu hennar afskipti af þessu málefni engin. Hún segist þó skilja vel að hún sé andlit umræðu dagsins.

„Það breytir því ekki að ég hef ekki stöðu til þess að snerta við þessu máli.“

Þörf á að byggja upp traust

Ólöf segir að það sem hún geti gert sé að leggja til breytingar á lögum og minnist í því samhengi á frumvarp um útlendingamál sem þverpólitísk nefnd hafi nú lagt á hennar borð og bíður þess nú að vera lagt fram á Alþingi.

„Þá erum við að tala um grundvöll regluverksins,“ segir Ólöf.

Hún kveðst telja ástæðu til að byggja upp betra traust milli þeirra stjórnvalda sem taka ákvarðanir í þessum málum og almennings sem skilur þær ekki, verður hræddur og finnur til með fólkinu. Nauðsynlegt sé að útskýra betur þá vinnu sem fram fer og að framkvæmd ákvarðana sé þannig að enginn þurfi að ætla að gengið sé lengra en þörf er á hverju sinni.

„Þar get ég beitt mér, til að skýra betur hvernig þetta er gert o.s.frv. og það munum við fara yfir.“

Aðspurð segist Ólöf ekki telja stórvægilegar breytingar í fyrrnefndu frumvarpi sem komið hefðu getið fjölskyldunni með langveika barnið til góða.

Ekki léttvægar ákvarðanir

Ólöf segir einnig mikilvægt að hafa í huga að fjölskyldan hafi sjálf tekið þá ákvörðun að kæra ekki niðurstöðu Útlendingastofnunar um synjun.

„Æðra stjórnvald hefur því ekki tekið afstöðu í þessu máli gagnvart þessum börnum. Við sjáum það alltaf eftir því sem málum fjölgar að reglurnar eru slípaðar út frá hverju einstaka tilviki en það reyndi ekki á það þarna.“

Segir hún fólk þurfa að átta sig á því að ákvarðanir um að senda fjölskyldur úr landi með börnin sín séu þær erfiðustu sem hvert embætti tekur. Þær séu ekki teknar með léttvægum hætti.

 „Þegar umræðan fer að snúast um það að sumir hafi tilfinningar og aðrir ekki er dálítið þungt að svara slíku.“

Segir hún að þegar rætt sé um þessi mál fái almenningur gjarnan þá tilfinningu að hún og aðrir séu að tala fyrir hönd einhvers kerfis. Málið sé mun flóknara en svo og því fari fjarri að þeir sem halda utan um mál innan kerfisins hafi engar tilfinningar.

„Nokkuð þungt“ að fá atvinnuleyfi

Faðir annars langveika barnsins sem vísað var úr landi var kominn með fasta vinnu hér á landi. Til þess að hljóta leyfi til veru hér á landi á grundvelli atvinnu þarf hinsvegar að sækja um dvalaleyfi. Slíkt leyfi má ekki sækja um á meðan viðkomandi dvelst í landinu og því hefði albanski faðirinn þurft að finna sér vinnu á Íslandi og bíða svo þar til umsókn hans hefði verið samþykkt áður en hann loks kæmi til landsins.

„Stundum gæti maður kannski hugsað sér að sumir hefðu kannski alltaf átt að sækja um dvalarleyfi,“ segir Ólöf. Hún segir ekkert koma í veg fyrir að fólk óski eftir dvalarleyfi hér á landi frá sínum heimalöndum en viðurkennir að það geti reynst „nokkuð þungt“ að fá atvinnuleyfi, sem er eins og áður segir forsenda dvalarleyfis. Það snúi m.a. að almennri innflytjenda löggjöf, Vinnumálastofnun og stéttarfélögunum.

„Þar koma önnur sjónarmið inn sem geta líka verið svolítið þung að fara yfir. Þetta getur verið nokkuð margslungið,“ segir Ólöf sem segir umsóknir um dvöl á Íslandi koma í ýmsum stigum.

„Þarna erum við að tala um það hvort fólk uppfylli tiltekin skilyrði til að vera flóttamenn sem er nokkuð strangt ferli. Flóttamannahjálpin miðast að því að hjálpa þeim sem eru í lífshættu og af stríðshrjáðum svæðum. Það er það fólk þetta kerfi tekur við.“

Klea og Kevi Pepoj með minningarbækur sem þau fengu í ...
Klea og Kevi Pepoj með minningarbækur sem þau fengu í íslenska leikskólanum sínum.
Hjónin Kast­rijot og Xhul­ia Pepoj sem synjað var um hæli.
Hjónin Kast­rijot og Xhul­ia Pepoj sem synjað var um hæli.
mbl.is

Innlent »

„Þetta reddast“ ekki alltaf farsælt viðhorf

20:37 „Núverandi ríkisstjórnarsamstarf þriggja stærstu þingflokkanna á Alþingi byggist á sameiginlegri sýn ólíkra flokka sem hafa það markmið að vinna að ákveðnum lykilverkefnum sem koma Íslandi í fremstu röð.“ Þetta sagði Sigurður Ingi Jóhannsson, samgöngu- og sveitarstjórnar­ráð­herra, á Alþingi í kvöld. Meira »

Vanmeti hvað sé þjóðfélaginu til heilla

20:28 Lögbann á fjölmiðil korteri fyrir kosningar gengur gegn þeirri styrkingu lýðræðisins að tryggja lagaumhverfi sem gerir fjölmiðlum kleift að miðla upplýsingum sem teljast mikilvægar í pólitísku samhengi. Þetta sagði Halldóra Mogensen þingmaður Pírata í ræðu sinni á alþingi nú í kvöld Meira »

„Tókst að beygja bakland eigin flokks“

20:20 Sigmundur Davíð Gunnlaugsson, formaður Miðflokksins, byrjaði ræðu sína í kjölfar stefnuræðu forsætisráðherra á Alþingi í kvöld á að óska Katrínu Jakobsdóttur til hamingju með embættið. „Henni tókst að beygja bakland eigin flokks.“ Meira »

„Gefa afslátt í baráttunni gegn ójöfnuði“

20:07 Logi Einarsson, formaður Samfylkingarinnar og 5. þingmaður norðausturkjördæmis, byrjaði ræðu sína á að óska nýrri ríkisstjórn velfarnaðar og fagnaði því að nú sæti kona í forsæti öðru sinni. Sagðist hann vona að það teldist ekki til tíðinda í náinni framtíð. Meira »

Ábyrgð stjórnarmeirihlutans mikil

19:53 Stundum þarf að fórna minni hagsmunum fyrir meiri, en niðurstaðan þarf að vera samfélaginu sem heild til heilla, sagði Katrín Jakobsdóttir forsætisráðherra í stefnuræðu sinni á Alþingi í kvöld. Fátækt eigi heldur ekki að vera til staðar á jafn ríku landi og Íslandi. Meira »

Gífurlegt tjón á húsnæði Kvikkfix

18:19 Starfsemi bílaverkstæðis Kvikkfix liggur niðri og gífurlegt tjón varð á húsnæði fyrirtækisins. „Það flæddi í öll 3 húsin okkar, um öll herbergi og allt saman,“ segir Hinrik Morthens, einn þriggja eigenda Kvikkfix, í samtali við mbl.is. Meira »

Jesú hitaði upp fyrir eigið afmæli

18:09 Jólatorgið í Hjartagarðinum í Reykjavík var opnað í dag, en það var Dagur B. Eggertsson borgarstjóri sem opnaði torgið formlega. Jesús kristur var meðal þeirra sem mætti á svæðið og virtisthann vera að hita upp fyrir sitt eigið afmæli sem nálgast óðfluga. Meira »

Dragi til baka kaupaukagreiðslur

18:15 Stjórn Klakka hefur ákveðið að mæla með því við hluthafa félagsins að fyrirhugaðar kaupaukagreiðslur, sem hluthafafundur samþykkti á mánudag, verði dregnar til baka. Ástæðan fyrir ákvörðuninni er sögð vera hin hörðu viðbrögð sem kaupaukagreiðslurnar hafa vakið hjá almenningi. Meira »

Framlög til háskóla hækka um 2,8 milljarða

17:58 Fjárveitingar til framhalds- og háskólanna í landinu hækka um 3,8 milljarða króna á næsta ári, samkvæmt fjárlagafrumvarpi ríkisstjórnarinnar sem kynnt var í morgun. Hækkun til háskólanna nemur 2,8 milljörðum og framlög til framhaldsskólanna hækka um 1.040 milljónir miðað við framlagt fjárlagafrumvarp fyrir 2017. Meira »

Páll fær allsherjarnefnd en Lilja atvinnumálin

17:32 Gengið var frá vali í nefndir 148. þings Alþingis í dag. Páll Magnússon verður formaður allsherjarnefndar, Lilja Rafney Magnúsdóttir fer fyrir atvinnuveganefnd, Óli Björn Kárason er formaður efnahagsnefndar og Áslaug Arna Sigurbjörnsdóttir er formaður utanríkisnefndar Meira »

Neitaði að yfirgefa vinnustað eftir uppsögn

17:27 Um klukkan þrjú í dag var óskað eftir aðstoð lögreglu á vinnusvæði í miðbænum vegna manns, sem hafði verið sagt upp störfum, en harðneitaði að yfirgefa svæðið og hafði jafnframt í hótunum við fólk. Þegar maðurinn neitaði að hlýða margítrekuðum fyrirmælum lögreglu var hann tekinn tökum og fluttur handtekinn á lögreglustöð þar sem hann bíður nú yfirheyrslu. Meira »

Lægra hlutfall kvenna skyggir á

17:22 „Það skyggir nokkuð á þessa þingsetningu að hlutur kvenna í hópunum hafi minnkað verulega,“ sagði nýkjörinn forseti Alþingis, Steingrímur J. Sigfússon. Hann sagðist vona að það yrði stjórnmálaflokkum hvatning til þess efla hlut kvenna og skapa þeim skilyrði til stjórnmálaþátttöku. Meira »

Sakfelldir fyrir hatursorðræðu

16:54 Hæstiréttur dæmdi í dag tvo karlmenn til að greiða 100.000 krónur í sekt vegna skrifa þeirra í athugasemdakerfum fjölmiðla vegna ályktunar sem bæjarstjórn Hafnarfjarðarbæjar hafði samþykkt og sneri að samstarfssamningi við Samtökin ´78 um hinsegin fræðslu. Meira »

Steingrímur forseti og Guðjón varaforseti

16:42 Steingrímur J. Sigfússon var kjörinn forseti alþingis er 148. þing kom saman nú í dag. Fékk Steingrímur 54 atkvæði, en fimm greiddu ekki atkvæði. Þá var Guðjón S. Brjánsson kjörinn fyrsti varaforseti alþingis. Meira »

Myndavélin komst í réttar hendur

16:28 „Þetta er hann Brandon, en hann var hér á landi í síðustu viku ásamt eiginkonu sinni. Þau lentu í því leiðindaatviki að farið var inn í bifreið þeirra, sem þau gleymdu að læsa á bifreiðastæði við hótelið sitt nóttina fyrir brottför.“ Þannig hefjast skrif lögreglunnar á Suðurnesjum á Facebook. Meira »

Þriggja og hálfs árs dómur staðfestur

16:49 Hæstiréttur staðfesti í dag dóm Héraðsdóms Reykjaness yfir brasilískum karlmanni á þrítugsaldri, en hann hlaut þriggja og hálfs árs fangelsisdóm fyrir stórfellt fíkniefnalagabrot. Var manninum gefið að sök að hafa staðið að innflutningi á kókaíni í sölu- og ágóðaskyni. Meira »

Geirmundur fær 18 mánaða dóm

16:34 Geir­mund­ur Krist­ins­son­, fyrr­ver­andi spari­sjóðsstjóri Spari­sjóðsins í Kefla­vík, var í dag dæmdur í 18 mánuða skilorðsbundið fangelsi í Hæstarétti fyrir umboðssvik. Þá var honum gert að greiða allan áfrýjunarkostnað málsins og málsvarnarlaun verjanda síns, samtals 6,1 milljón. Meira »

Ákvörðun um veg um Teigsskóg frestað

16:10 Ekki hefur verið tekin ákvörðun um aðalskipulagsbreytingu vegna Vestfjarðarvegar númer 60 um Teigsskóg. Sveitarstjórn Reykhólahrepps hafði vonast til þess að ákvörðun yrði tekin í dag en það frestast fram í janúar. Meira »

Börnin sem kerfið gleymdi

ALLT MILLI HIMINS OG JARÐAR !!!!!!!!!!
NOTAÐ&NÝTT er ný verslun á Skemmuvegi 6 á bak við BYKO. Mikið úrval af fallegum ...
STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
Honda CR-V 2005
Honda CR-V árg 2005 - bensín - ekinn 221.000 km - fjórhjóladrifin - beinskiptur ...
 
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...
Tilboð óskast skólavegi
Húsnæði í boði
TILBOÐ ÓSKAST í húseignina Skólaveg 3 ...
Aðalfundur
Fundir - mannfagnaðir
Aðalfundur Skúlagarðs hf. vegna reikn...
L helgafell 6017121319 vi
Félagsstarf
? HELGAFELL 6017121319 VI Mynd af au...