Stjórn Atvinnuþróunarfélags Eyjafjarðar (AFE) hefur sent frá sér yfirlýsingu vegna dóms Héraðsdóms Reykjavíkur í Stím-málinu svonefnda en þar var Þorvaldur Lúðvík Sigurjónsson, framkvæmdastjóri AFE og fyrr­ver­andi banka­stjóri Saga Capital, dæmdur í 18 mánaða fang­elsi fyr­ir hlut­deild að umboðssvik­um.

„Eftir að hafa farið gaumgæfilega yfir málið og leitað sér lögfræðiráðgjafar hefur stjórn AFE komist að þeirri niðurstöðu að aðhafast ekki í máli framkvæmdastjóra félagsins fyrr en að niðurstaða Hæstaréttar Íslands liggur fyrir.

Allt frá því að framkvæmdastjórinn fékk stöðu grunaðs manns hefur stjórn félagsins borið fullt traust til hans og á því hefur ekki orðið breyting. Það er ákvörðun stjórnar að leyfa framkvæmdastjóra að njóta áfram vafans. Í ljósi þess hvernig á málum hefur verið haldið hingað til og þess að málið er enn í meðförum dóms telur stjórn eðlilegt að endanleg ákvörðun verði ekki tekin fyrr en að úrskurður Hæstaréttar liggur fyrir, enda hefur Hæstiréttur síðasta orðið um sekt manna og sakleysi að lögum,“ segir í tilkynningu, en undir hana ritar Unnar Jónsson, formaður stjórnar AFE.

Nálgast má dóm Héraðsdóms Reykjavíkur í heild sinni hér.

Tengdar fréttir

Glitnismenn fyrir dóm

Aftur 5 ára dómur í Stím-máli

• Dómur í sama máli sama dag 2 árum síðar
• Sér eftir að hafa tekið að sér starfið
• Allir ákærðu í Stím-málinu í dómsal
• Dómstjóri má dæma í Stím-málinu

» Fleiri tengdar fréttir

• 1 blogg um fréttina

Bloggað um fréttina

• Júlíus Már Baldursson: Ætli þeir séu skildir?