Jens Garðar Helgason, formaður bæjarráðs Fjarðabyggðar, segir að líklega nemi tjón vegna ofsaveðursins tugum milljóna króna í Fjarðabyggð. Ekki var búið að meta tjónið til fulls í gær.

Óveðrið í fyrrinótt varð verst í Fjarðabyggð og olli miklu tjóni á Eskifirði. Einnig varð tjón á Fáskrúðsfirði, Breiðdalsvík, Stöðvarfirði, Djúpavogi og víðar á Austurlandi. Hásjávað var og mikill áhlaðandi.

Lögregla, björgunarsveitir og starfsmenn sveitarfélaga og hafna unnu að því að afstýra tjóni á meðan óveðrið geisaði. Veðrið fór að ganga niður um hádegi í gær. Ítarlega er fjallað um óveðrið og afleiðingar þess í Morgunblaðinu í dag.

Tengdar fréttir

Vonskuveður á Austurlandi

„Við stöndum saman í þessu“

• 70,8 m/s vindhviða mældist
• Viðbragðshópur vegna vonskuveðurs
• „Ljóst að mikið tjón hefur orðið“
• Tjónamat fer fram í ársbyrjun

» Fleiri tengdar fréttir