Hafði Þorgrímur rétt fyrir sér?

Börn hafa heilmikla hæfileika til samskipta að sögn Hildar.
Börn hafa heilmikla hæfileika til samskipta að sögn Hildar. AFP

Hildur Sigurðardóttir, lektor í ljósmóðurfræðum við Háskóla Íslands, segir að langdvöl mæðra ungbarna á Facebook geti eflaust í einhverjum tilfellum gefið vísbendingu um takmarkaða tengslamyndun við barnið, einkum ef einnig er til staðar ákveðið áhugaleysi gagnvart barninu og umönnun þess. Brjóstagjöfin geti þó tekið margar klukkustundir og því erfitt að gera kröfur til mæðra um að veita börnum sínum óskipta athygli, segir Hildur í samtali við mbl.is.

Tilefni samtalsins eru ummæli Þorgríms Þráinssonar, tilvonandi forsetaframbjóðanda, í Morgunvaktinni á Rás 1. Vitnaði hann þar til reynslu konu sem sinnir ungbarnaeftirliti, sem sagði frá tilfinningarofi milli móður og barns, sem hún hefur á brjósti, sökum þess að hún notar tímann við brjóstagjöfina til að vafra á Facebook í stað þess að ná augnsambandi við barnið. Þá rofni eitthvað. „Við þurfum að vanda okkur betur,“ sagði Þorgrímur.

„Varla þurfum við vökustaura?“

Ummælin vöktu mikil viðbrögð þar sem Þórdís Elva Þorvaldsdóttir rithöfundur vakti meðal annarra máls á þessu á Facebook-síðu sinni. 

Þar sem [Þorgrímur] hefur ekki verið með barn á brjósti sjálfur þarf kannski að minna hann á að mörg börn eru með lokuð augun á meðan á þessu ferli stendur. Varla þurfum við vökustaura á börnin til að tryggja „órofna tengingu“.

Þá þurfa hvítvoðungar að fá brjóst á u.þ.b. tveggja tíma fresti fyrsta skeið ævi sinnar. Mæðrum er innrætt að barnið eigi heimtingu á óskiptri athygli þeirra, bæði líkamlega og tilfinningalega. Þetta er erfitt ferli sem útheimtir oft blóð, svita og tár allan sólarhringinn. Mæður þurfa allra síst á því að halda að vera guilt-trippaðar með svona hrútskýringum,“ sagði Þórdís Elva.

Þorgrímur Þráinsson hefur gert sig líklegan til að bjóða sig ...
Þorgrímur Þráinsson hefur gert sig líklegan til að bjóða sig fram til embættis forseta. mbl.is/Heiðar

Horfa verður á heildarmyndina

„Ef það er öðru hvoru verið að kíkja á Facebook, en að öðru leyti verið að lesa í hegðun barnsins og sinna því vel, þá er það allt öðruvísi en ef móðirin varla hefur frumkvæði til að hugsa um barnið svo sem að gefa því brjóst. Mömmur eins og aðrir geta verið miklir fíklar í Facebook og þetta er alltaf spurning um hvar mörkin liggja.“

„Maður verður að horfa á heildarmyndina. Í sambandi við að meta tengslamyndun foreldra við börnin þá horfir maður meðal annars á það hvort foreldrarnir nái augnsambandi við barnið sitt, sýni því áhuga og taki eftir hegðun þess. Börn hafa nefnilega heilmikla hæfileika til samskipta,“ segir Hildur og bætir við að þessir hæfileikar séu stundum vannýttir ef um takmarkaða tengslamyndun er að ræða.

„Það eru til ýkt dæmi þar sem mæður eru dálítið fastar í þessu, að fylgjast með hverju og einu „notification“ sem poppar upp á skjánum. Mæður eru ekkert undanskildar þessum vanda, þær eru bara eins og hverjir aðrir. En auðvitað slær það mann þegar þetta gengur út í öfgar.

Það er daglegur þáttur í lífi margra mæðra um heim ...
Það er daglegur þáttur í lífi margra mæðra um heim allan að hafa börn sín á brjósti. AFP

Nánast alltaf tölvan eða sjónvarpið

Það hefur alveg komið fyrir að ég hafi sinnt mæðrum þar sem þetta er raunin, að í stað þess að njóta stundarinnar þegar barnið er á brjósti þá er tíminn nánast alltaf nýttur í tölvunni eða til að horfa á sjónvarpið. Að geta ekki notið þess. Þetta er samt alger undartekning en maður hefur samt kynnst því að móður finnist sem hún verði að vera stöðugt við Facebook á meðan hún gefur brjóst.“

Hún segir langdvöl á Facebook geta verið eitt af svokölluðum flóttaeinkennum. „Það þarf ekkert að vera Facebook, það getur verið hvað sem er, bara ef þú ert einfaldlega ekki að sýna barninu áhuga. Þar geta verið undirliggjandi vandamál af ýmsum toga, svo sem erfið fæðingarreynsla eða einfaldlega vanlíðan konunnar.“

Eitthvað til í orðum Þorgríms

Þá segir Hildur brjóstagjöfina geta tekið margar klukkustundir á hverjum sólarhring og því erfitt að gera kröfur til mæðra um að veita barninu óskipta athygli allan þann tíma.

„Kannski ertu að gefa barninu allt upp í átta til tíu sinnum á sólarhring og allt að klukkutíma í senn. Þá ertu komin með ansi stóran hluta af deginum á sama tíma og þig langar til að fylgjast með samfélaginu og nærumhverfinu, en samskiptin á Facebook snúast líka oft um barnið sjálft og þá er til dæmis mjög spennandi að sjá hvað fólk er að segja um myndir af barninu.

Þannig séð er eitthvað til í þessum orðum Þorgríms, vegna þessara ýktu dæma. En ég held að Facebook sé enginn orsakavaldur nema manneskjan sé gjörsamlega háð tækninni. Og mömmur geta verið það eins og allir aðrir.“

Facebook getur reynst bíræfinn tímaþjófur í lífi margra.
Facebook getur reynst bíræfinn tímaþjófur í lífi margra. mbl.is/Ernir

Ekki endilega gott að horfast í augu við barnið

„Í barnauppeldi eins og alls staðar í samfélaginu er aukin símanotkun hugsanlega að verða til vandræða. Væntanlega hefur hún áhrif í þessu sem öðru,“ segir Guðrún Jónasdóttir brjóstagjafaráðgjafi og eigandi fyrirtækisins Móðurástar, sem meðal annars leigir út mjaltavélar.

„Séu ummælin sjálf skoðuð þá er það ekki endilega góð stelling til brjóstagjafar að horfast í augu við barnið, því þá er barnið ekki að taka brjóstið rétt,“ segir hún í samtali við mbl.is.

„Þar fyrir utan get ég verið sammála honum um að það sé ákveðinn vandi til staðar. Ég hef sjálf hjálpað konum sem eru búnar að lenda í alls konar vandræðum í brjóstagjöfinni. Áreitið er orðið meira núna og í mörgum tilfellum mun meira en gott getur talist fyrir samband foreldra og barns.

En ég held að þetta sé stormur í vatnsglasi. Okkur er samt öllum hollt að staldra við og hugsa um hvort við séum að nota símann of mikið.“

Ummæli Þorgríms hafa ýtt við mörgum en eflaust ekki þessum ...
Ummæli Þorgríms hafa ýtt við mörgum en eflaust ekki þessum börnum. mbl.is/Skapti Hallgrímsson

Viljum gjarnan mæla alla mögulega hluti

Hún segir að tæknin geti líka komið að góðum notum fyrir mæður með börn á brjósti.

„Til eru alls konar öpp sem geta verið til góðs. Móðir sem er með barn á brjósti er hugsanlega komin með app þar sem hún skráir lengd gjafarinnar og ýmsar aðrar upplýsingar,“ segir Guðrún.

„Þetta má samt ekki verða að einhverju aðalatriði. Við mannfólkið viljum gjarnan mæla alla mögulega hluti með nýjust tækni en brjóstagjöf er illmælanleg. Fólk hættir að treysta sjálfu sér. Skortur á sjálfstrausti móður getur svo haft mjög slæm áhrif á brjóstagjöfina og ef það er ekki til staðar þá gengur þetta oft mjög illa."

mbl.is

Bloggað um fréttina

Innlent »

Stormviðvörun á morgun

06:40 Útlit er fyrir norðaustan hvassviðri eða storm með snjókomu eða éljum um landið norðanvert frá þriðjudegi til föstudags. Fólk sem hyggur á ferðalög er hvatt til að fylgjast vel með þróun veðurspáa og viðvarana, segir í athugasemd á vef Veðurstofu Íslands. Meira »

Gripinn glóðvolgur við þjófnað

05:47 Lögreglan handtók mann á fimmta tímanum í nótt við Fróðaþing sem liggur undir rökstuddum grun um að hafa brotist inn í bifreiðar. Meira »

Langtímaveikindi sliga sjúkrasjóð KÍ

05:30 Aukning langtímaveikinda meðal félagsmanna Kennarasambands Íslands hefur leitt til þess að skerða þarf þann tíma sem félagsmenn eiga rétt á greiddum sjúkradagpeningum um 25%. Meira »

Skýrslan um neyðarlánið í janúar

05:30 Skýrsla sem Seðlabanki Íslands hefur um nokkurra ára skeið verið með í vinnslu og lýtur að veitingu þrautavaraláns til Kaupþings í október 2008 mun að öllum líkindum líta dagsins ljós í janúar næstkomandi samkvæmt upplýsingum frá bankanum. Meira »

Auðvelt að brjótast inn í snjallúr

05:30 Upp á síðkastið hefur verið fjallað um ákveðnar gerðir snjallúra, sem ætluð eru börnum. Úrin eru nettengd tæki með staðsetningarbúnað og gera foreldrum kleift að fylgjast með ferðum barna sinna. Meira »

Fötin ganga í endurnýjun lífdaga

05:30 Um 300 manns afhentu Ungmennaráði Barnaheilla barna- og unglingaföt í gær þegar samtökin stóðu fyrir árlegri fatasöfnun í tilefni af afmæli Barnasáttmála Sameinuðu þjóðanna. Meira »

Telja sig vinmarga og hrausta

05:30 Hinn dæmigerði Íslendingur er býsna ánægður með lífið og tilveruna, hann telur sig búa í hreinu umhverfi og við mikil loftgæði. Hann á vin eða ættingja sem hann getur leitað til og ver næstum því fjórðungi tekna sinna í húsnæði og ýmsan kostnað sem því fylgir. Meira »

Brjóta lög á eigendum

05:30 „Ég skil ekki að einhver geti fengið leyfi til að fara inn í húsnæði og bola annarri starfsemi út,“ segir Magnús Árnason, eigandi flugeldasölunnar Gullborgar við Bíldshöfða 18. Meira »

Músagangur slær met

05:30 Músagangur hefur verið áberandi í sveitum á Suðurlandi að undanförnu svo bændur þar muna vart annað eins.   Meira »

Hinsti hvílustaður hvutta og kisu

05:30 Á jörðinni Hurðarbaki í Kjós hvíla jarðneskar leifar meira en 200 gæludýra en þar hefur verið gæludýragrafreitur frá árinu 2002. Meira »

Óttast ekki hið ókomna

Í gær, 23:21 „Það eru allir afskaplega rólegir fyrir þessu,“ segir Sigrún Sigurgeirsdóttir, landvörður í Vatnajökulsþjóðgarði, um aukna virkni sem verið hefur í Öræfajökli. Sigrún hefur lifað góðu samlífi við jökulinn alla sína ævi og býst ekki við að það muni breytast í bráð. Hún fylgist þó grannt með gangi mála. Meira »

Bíða enn eftir niðurstöðum vísindamanna

Í gær, 22:45 Engar ákvarðanir voru teknar á fundi Almannavarna nú í kvöld varðandi Öræfajökul. Óvissuástandi var lýst yfir á svæðinu í gær og hafa vísindamenn Jarðvísindastofnunar í dag unnið að því að rannsaka sýni sem safnað var í ferð þeirra, Veður­stof­unn­ar og al­manna­varna yfir jökulinn í gær. Meira »

Tólf fluttir á sjúkrahús

Í gær, 22:32 Alls voru 12 fluttir á sjúkrahús eftir rútuslys við Lýsuhól á Snæfellsnesi á sjötta tímanum í dag. Andri Heide, yfirlæknir í Ólafsvík, sem var fyrstur á vettvang, segir aðstæður hafa verið hryllilegar. Svo slæmar að einn sjúkrabílanna með reyndan bílstjóra hafi fokið af veginum. Meira »

Glæsileg breyting á Sundhöllinni

Í gær, 21:30 Nú styttist í að Sundhöllin í Reykjavík opni að nýju með nýrri og glæsilegri útiaðstöðu, nýjum kvennaklefa og bættu aðgengi fyrir fatlaða. Sundhöllin er eitt glæsilegasta hús borgarinnar og landsmenn eru annálaðir sundáhugamenn. Breytingarinnar hefur því verið beðið með mikilli eftirvæntingu. Meira »

Taka ábendingar um sinnuleysi alvarlega

Í gær, 20:57 Lögreglan á höfuðborgarsvæðinu tekur ábendingar um sinnuleysi lögreglu gagnvart ósjálfbjarga stúlku alvarlega. Þetta kemur fram í fréttatilkynningu sem lögreglan sendi frá sér nú í kvöld. Meira »

Tvær bílveltur í Norðurárdal

Í gær, 22:10 Tvær bílveltur urðu í Norðurárdal nú í kvöld. Bæði óhöppin áttu sér stað í nágrenni við bæinn Dýrastaði á áttunda tímanum í kvöld með um kílómetra millibili. Engin slys urðu á fólki. Meira »

Vilja veita Leo vernd á Íslandi

Í gær, 21:16 Solaris - hjálparsamtök fyrir hælisleitendur og flóttafólk á Íslandi hafa komið af stað undirskriftarsöfnun fyrir hinn eins og hálfs ára gamla Leo Nasr Mohammed og foreldra hans, Nasr Mohammed Rahimog Sobo Anw­ar Has­an. Með undirskriftunum vilja samtökin hvetja yfirvöld til að veita fjölskyldunni skjól og vernd á Íslandi. Meira »

HÍ tekur þátt í alþjóðlegu neti háskóla

Í gær, 20:30 Háskóli Íslands er orðinn hluti af edX, alþjóðlegu neti háskóla sem bjóða opin netnámskeið, en edX var stofnað af bandarísku háskólunum Harvard og MIT. Fyrsta námskeið Háskólans í edX-samstarfinu verður í norrænum miðaldafræðum Meira »

Mátturinn eða dýrðin - Greinaflokkur

www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
Skrifstofuhúsnæði - hagstætt leiguverð.
Til leigu er 197 ferm. skrifstofuhúsnæði við Bíldshöfða. Skiptist í móttöku, fim...
 
Skipulagsmál
Tilkynningar
Rangárþing ytra Auglýsing um skipulags...
Aðalfundur
Fundir - mannfagnaðir
Aðalfundur Aðalfundur Vör...
Félagsstarf
Staður og stund
Aflagrandi 40 Opin vinnustofa kl 9 og gö...
Framhald
Nauðungarsala
Uppboð Einnig birt á www.naudungarsolu...