Forsætisráðherra Fiji, Frank Bainimarama, segir að ef konur vilja giftast öðrum konum eigi þær að flytja til Íslands og vera þar um kyrrt. Ummælin lét ráðherrann falla í kjölfar þess að Shamima Ali, framkvæmdastjóri Women's Crisis Center á Fiji, sagði að yfirvöld ættu að heimila samkynja pörum að ganga í hjónaband.
Ráðherrann sagði að hjónabönd samkynja para yrðu ekki heimiluð á Fiji á líftíma Ali og að aðgerðasinnar ættu ekki að láta orðlaga stjórnarskrárinnar um jafnrétti og ást rugla sig í ríminu.
Um hjónabönd lesbía sagði hann: „Farið og gerið það á Íslandi og verið um kyrrt og búið þar. Fiji þarf ekki á þessháttar rugli að halda.“
Sagt hefur verið frá ummælum Bainimarama í fjölmiðlum á Fiji og á Nýja-Sjálandi. Þar er m.a. haft eftir Ali að þeir fordómar og vanvirðing sem ráðherrann hefur sýnt séu ekki í samræmi við yfirlýsingar stjórnvalda um mannréttindi.