Ökumaður slapp ómeiddur eftir að hafa velt bíl sínum á Hlíðarbraut á Akureyri í gærkvöldi, að sögn lögreglu.
Óhappið átti sér stað þegar ökumaðurinn ætlaði að forða því að lenda aftan á öðrum bíl þegar umferðin stöðvaðist skyndilega. Hann sveigði bifreiðinni og ók upp í snjóruðning en ekki vildi betur til en svo að hann hafnaði á ljósastaur og valt. Bifreiðin er töluvert skemmd en ökumaðurinn slapp vel frá óhappinu.