Tveir fá 72 milljónir króna

Fyrsti vinningur kvöldsins í EuroJackpot gekk ekki út í kvöld en hann hljóðaði upp á ríflega 1,4 milljarð króna. Hins vegar deila tveir öðrum vinningnum og fær hvor í sinn hlut rúmar 72,6 milljónir króna. Vinningsmiðarnir voru báðir keyptir í Þýskalandi.

Tveir fengu einnig þriðja vinning og fær hvor í sinn hlut rúmar 25,4 milljónir króna. Vinningsmiðarnir voru keyptir í Danmörku. Þrír voru með fjóra rétta í Jókernum á Íslandi og fær hver 100 þúsund krónur í sinn hlut.

• Blogga um frétt