Eyðileggja smækkaða útgáfu Lakagíga

Á nokkrum stöðum í Eldvörpum kemur reykur upp úr hrauninu, ...
Á nokkrum stöðum í Eldvörpum kemur reykur upp úr hrauninu, eins og um nýlegt hraun sé að ræða. Það er aftur á móti frá 13. öld.

Gígaröðin í Eldvörpum er eins og smækkuð útgáfa af Lakagígum og það sem meira er að þau eru aðgengileg flestum á hvernig bíl sem er og aðeins í hálftíma fjarlægð frá alþjóðaflugvelli. Þetta segir Ellert Grétarsson, áhugamaður um umhverfisvernd á Reykjanesi og ljósmyndari, en hann hefur undanfarin ár ítrekað bent á það sem hann telur eyðileggingu svæðisins ef farið verður í tilraunaboranir á svæðinu eins og fengist hefur leyfi til fyrir HS Orku.

Ellert segir Eldvörp vera fágætar jarðmyndir á heimsvísu, enda um að ræða gígaröð sem myndist á nútíma í jarðsögulegum tíma eftir að ísaldarjöklar hverfa. „Svo ungar jarðmyndanir eru fátíðar og sérstakar á heimsvísu,“ segir Ellert.

Eldvörp eru rétt hjá Bláa lóninu. Ellert segir svæðið rétt ...
Eldvörp eru rétt hjá Bláa lóninu. Ellert segir svæðið rétt við mesta þéttbýlissvæði landsins og aðeins hálftíma frá alþjóðaflugvelli. Það bjóði því upp á mikil tækifæri.

Mikil verðmæti í næsta nágrenni við höfuðborgina

Leggur hann mikla áherslu á að Eldvörp eru rétt við mesta þéttbýlissvæði landsins og með það fyrir augum að þetta sé í raun smækkuð útgáfa af Lakagígum felist mjög mikil verðmæti fyrir ferðaþjónustuna í að eiga svona stað í næsta nágrenni við höfuðborgina.

Nýlega var meðal annars fjallað um myndskeið sem Ellert setti saman á vefnum Grindavik.net, en þar sýnir hann meðal annars myndir sem teknar eru af svæðinu úr dróna.

Ellert bendir á að í mati sínu á umhverfisáhrifum á svæðinu segi Umhverfisstofnun meðal annars að um óafturkræft rask á mosagrónu nútímahrauni sé að ræða verði farið í framkvæmdir á staðnum. „Við megum ekki gleyma að ósnortin náttúra er ekki síður náttúruauðlind,“ segir hann og bætir við að samkvæmt tölum frá Ferðamálastofu komi meira en 80% ferðamanna hingað til lands til að upplifa slíka náttúru. „Þetta fer ekki saman, ferðamenn koma ekki hingað til að skoða virkjanir, línuvegi eða lagnir, heldur til að upplifa náttúru,“ segir Ellert.

Ellert Grétarsson
Ellert Grétarsson

Ferðaþjónustan aðeins farin að vakna

Ferðaþjónustan er aðeins farin að vakna varðandi þetta að sögn Ellerts, meðal annars með að dreifa umferðinni meira en bara á Gullna hringinn og suðurströndina. Segir hann þetta vera eitt dæmið um stað sem geti orðið vinsæll á komandi tímum. Ítrekar hann á ný samlíkinguna við vinsælan áfangastað í dag talsvert austar á landinu, en auðveldari aðkomu að þessum gígum. „Þetta er smækkuð útgáfa af Lakagígum í hálftíma fjarlægð frá alþjóðaflugvelli,“ segir Ellert.

Grímur: boranir hafa ekki mikil áhrif

Um þrjá kílómetra til austurs frá gígaröðinni er Bláa lónið. Grímur Sæmundssen, forstjóri þess og formaður Samtaka ferðaþjónustunnar, tekur ekki undir áhyggjurnar. Segir hann að forsvarsmönnum Bláa lónsins hafi verið kynnt málið á sínum tíma og síðan þá verið upplýstir um hvert skref ferlisins. „Við gerðum ekki athugasemdir við þessa nálgun og teljum að eins og standa eigi að málum að unnið verði í sátt við náttúruna,“ segir hann.

Grímur segir að sér sé ekki kunnugt um að Eldvörp hafi verið mikið notuð sem skoðunarstaður fyrir ferðamenn í gegnum árin og segist ekki telja að boranirnar muni hafa mikil áhrif á ferðaþjónustu á svæðinu. Hann tekur þó fram að enn eigi eftir að koma í ljóst hvort og þá hvernig verði virkjað og þá verði að hafa vara á hvað varðar óafturkræfar framkvæmdir en „ég tel að þarna sé og verði staðið að málum með vönduðum hætti þannig að gígaröðin í heild eða ímynd hennar skaðist ekki,“ segir hann.

Grímur Sæmundsen, forstjóri Bláa Lónsins.
Grímur Sæmundsen, forstjóri Bláa Lónsins. mbl.is/Kristinn Ingvarsson

„Verið að gjöreyðileggja ásýnd svæðisins“

Eins og greint hefur verið frá í fyrri greinum hér á mbl.is er deilt um það milli HS Orku og talsmanna umhverfisverndar hvort rannsóknaboranir á svæðinu fari saman við umhverfisvernd. Ellert telur svo ekki vera og bendir á að ef reisa eigi fjóra eða fimm 4-5 þúsund fermetra borplön í næsta nágrenni við gígana sé verið að breyta miklu. „Þótt ekki verði hróflað við gígunum, þá er þarna verið að gjöreyðileggja ásýnd svæðisins,“ segir Ellert.

Ellert hefur undanfarinn áratug notað mikið af frítíma sínum til að skoða Reykjanesið og hefur tekið fjölda mynda á svæðinu. Hann segir Eldvörp ásamt Krýsuvík vera þá tvo staði á nesinu sem séu kynngimagnaðastir. „Ég veit ekki um annan stað þar sem hægt er að fara ofan í einn gíg og ganga yfir í þann næsta,“ segir Ellert, en milli tveggja gíga liggur hraunhellir sem gengt er um. Segir hann að þar geti fólk horft ofan í sprunguna þar sem hraunið lak til baka niður þegar gígurinn tæmdi sig. Lýsir hann því þannig að þar geti maður horft inn í innviði eldgígsins og séð hvað gerðist nákvæmlega.

Hluti gíganna í Eldvörpum.
Hluti gíganna í Eldvörpum.

Lítt snortinni náttúruperlu breytt í iðnaðarsvæði

Að lokum bætir hann við að það sem geri staðinn enn sérstæðari og dulúðlegri sé að á nokkrum stöðum rjúki úr svæðinu umhverfis gígana eins og gosi sé nýlokið. „Þú ert að breyta lítt snortinni náttúruperlu í iðnaðarsvæði,“ segir Ellert að lokum um fyrirhugaðar framkvæmdir á staðnum.

Segir aðsóknina ekki hafa verið mikla í Eldvörp

Eggert Sólberg Jónsson, verkefnastjóri Reykjanes Geopark, segir ásókn í svæðið hingað til ekki hafa verið mikla. Þannig hafi helstu hóparnir sem sæki það heim verið gönguhópar á leið um svæðið og nokkrir minni hópar á vegum ferðaþjónustuaðila, en þar hafi ekki verið hinn hefðbundni massatúrismi. Efast hann jafnframt um að svæðið og gígarnir sjálfir myndu þola slíkan ágang. Segir Eggert að framkvæmdaaðilar þurfi að passa vel að hrófla ekki við gönguleiðum á svæðinu og taka tillit til ferðaþjónustu sem er þar nú.

Aðspurður hvort hann telji að með þessu sé verið að fórna víðáttu og ósnortnu landslagi segir Eggert að búið sé að raska svæðinu nú þegar að einhverju leyti. Þá sé stutt í önnur víðáttusvæði á Reykjanesinu sem standi óröskuð og þar sé slík upplifun í boði. Segir hann að með þessum framkvæmdum sé ekki verið að raska öllum skaganum þó að vissulega muni þetta hafa einhver áhrif á þessu tiltekna svæði. Þá tekur hann fram að hingað til hafi virkjanir notið talsverðra vinsælda hjá ferðamönnum og að hann vonist til að HS Orka haldi slíku starfi áfram komi til framkvæmda á staðnum.

Núverandi borpallur EG-2, sem er á milli tveggja gíga í ...
Núverandi borpallur EG-2, sem er á milli tveggja gíga í gígaröðinni. Holan var boruð árið 1983.
mbl.is

Innlent »

Vatnsleki í Vonarstræti

00:06 Slökkvilið höfuðborgarsvæðisins var kallað að húsi í Vonarstræti um klukkan 23.20 í kvöld vegna vatnsleka. Þar hafði rör farið í sundur. Meira »

„Starfsemin verður að fara“

Í gær, 22:10 „Starfsemin verður að fara. Þetta er fullreynt,“ segir Hjálmar Sveinsson, borgarfulltrúi Reykjavíkurborgar og formaður umhverfis- og skipulagsráðs, spurður út í starfsemi Hringrásar í Klettagörðum. Hann vísar í fjölmarga bruna sem hafa verið á svæðinu á síðustu árum. Meira »

Enginn á grillinu hjá Jóni Ársæli

Í gær, 22:00 „Mín nálgun er huglæg en ekki hlutlæg, eins og hjá mörgum fréttamönnum. Mér þykir vænt um viðmælendur mína – það er enginn á grillinu hjá Jóni Ársæli. Þetta er engin tilviljun; það er mín trú að öðruvísi kynnist maður ekki fólki.“ Meira »

Gjöf til minningar um Jenný Lilju

Í gær, 21:55 Hjónin Gunnar Lúðvík Gunnarsson, bóndi, og Rebekka Ingadóttir, hjúkrunarfræðingur, afhentu Landhelgisgæslunni í dag gjöf til minningar um litlu dóttur sína, Jenný Lilju Gunnarsdóttur sem lést af slysförum á Einiholti í Biskupstungum í október 2015, aðeins 3 ára gömul. Meira »

Hækki útsvar vegna kjarasamninga

Í gær, 21:53 Sveitarfélögin þurfa að greiða tæpa fimm milljarða króna á ári vegna launakostnaðar kennara, samþykki kennarar nýgerða kjarasamninga. Samningurinn var kynntur sveitarstjórnarmönnum í gær. Sveitarfélög verða að hagræða í rekstrinum og skera niður til að standa straum af kostnaðinum. Meira »

Menning bætir samfélagið

Í gær, 21:12 „Allt hefur sinn tíma og nú er rétt að fela öðrum tónleikahaldið. Í mínum huga stendur upp úr að nú er orðin föst hefð í menningarlífinu hér á Suðurlandi frábær skemmtun sem fólk vill ekki vera án,“ segir Kjartan Björnsson, rakari á Selfossi. Meira »

Hægt að láta gott af sér leiða í ljótri peysu

Í gær, 20:40 „Við erum í fjórða skipti með jólapeysuátakið okkar sem er alltaf skemmtilegt í bland við það að við erum að safna fyrir alvarlegum málefnum,“ segir Erna Reynisdóttir, framkvæmdastjóri Barnaheill - Save the Children á Íslandi, í samtali við mbl.is. Í ár er safnað fyrir sýrlenskum börnum sem eiga um sárt að binda í og við Sýrland. Meira »

Tók stökkið og lét drauma sína rætast

Í gær, 21:11 Lilja Gunnlaugsdóttir listakona venti kvæði sínu í kross fyrir þremur árum, hætti í vinnunni og sneri sér alfarið að listinni. Hún stofnaði fyrirtækið Skrautmen og hannar og framleiðir silki- og roðhálsklúta, hálsmen og fleira. Meira »

Flugvélin varð eldsneytislaus

Í gær, 19:56 Flugvélin sem nauðlenti í Heiðmörk í hádeginu í dag varð eldsneytislaus. Eftir vettvangsrannsókn var henni flogið af svæðinu um klukkan fjögur sama dag. Rannsóknin leiddi í ljós að ekkert var að flugvélinni og því var óhætt að fljúga henni aftur á loft með fullan tank af eldsneyti. Meira »

Ferðamenn kunna vel við svellið

Í gær, 19:50 Skauta­svellið á Ing­ólf­s­torgi nýtur mikilla vinsælda á meðal ferðamanna í borginni og þeir voru ófáir sem nýttu tækifærið til að renna sér aðeins í dag en svellið opnaði í gær og verður opið út mánuðinn. mbl.is kom við á Ingólfstorgi í dag og fylgdist með tilþrifum á svellinu hjá vönum og óvönum. Meira »

Gleymdi líklega að beygja

Í gær, 18:33 Ökumaður bílsins sem fór út af veginum við Reynis­hverf­is­veg við Vík í Mýr­dal í dag, virðist hafa gleymt að beygja inn á þjóðveginn og því keyrt fram af veginum. Talsverð þoka var á svæðinu en engin hálka. Meira »

Hafnaði því að afskrá „Iceland“

Í gær, 18:26 Fulltrúar íslenskra stjórnvalda, Samtaka atvinnulífsins og Íslandsstofu hittu í dag fulltrúa bresku verslunarkeðjunnar Iceland Foods til að ræða skráningu á orðmerkinu „Iceland“ hjá Hugverkaréttarstofnun ESB (EUIPO). Meira »

Harmar niðurstöðu í máli Salbjargar

Í gær, 17:56 Ellen Calmon, formaður Öryrkjabandalagsins, segist harma niðurstöðu Hæstaréttar í máli Salbjargar Óskar Atladóttur, en með dómnum sem féll í gær fær Salbjörg ekki að færa fjármuni sem notaðir eru við skammtímavistun yfir í beingreiðslusamning. Meira »

„Kemur ekki á óvart“

Í gær, 17:28 „Þetta kemur ekki á óvart miðað við þessa klassísku hringekju. Það er sjálfsagt að reyna þetta ef forsetinn metur að þetta beri árangur eftir samtölin í morgun,” segir Birgir Guðmundsson, stjórnmálafræðingur, spurður um ákvörðun forsetans að veita Pírötum stjórnarmyndunarumboð. Meira »

Tveir á slysadeild eftir árekstur

Í gær, 17:21 Tveir hafa verið fluttir á slysadeild eftir árekstur að minnsta kosti tveggja bíla á Kringlumýrarbraut við afreinina ofan af Bústaðavegi. Meira »

Vonar að fyrirheitin gangi eftir

Í gær, 17:44 Páll Matthíasson, forstjóri Landspítalans, segist vera vongóður um að fyrirheit stjórnmálamanna um aukin framlög til heilbrigðisþjónustunnar fyrir kosningar gangi eftir. Meira »

Tapaði og þarf áfram að flytja 52 á ári

Í gær, 17:28 Tvítug fötluð stúlka sem stefndi Reykjavíkurborg eftir að hafa verið synjað um fulla þjónustu á eigin heimili í stað þess að koma aðra hverja viku í skammtímavistun tapaði málinu í Hæstarétti í gær. Meira »

„Mun byggja á góðum grunni“

Í gær, 16:40 „Ég er vongóð um að okkur öllum takist að finna leið til að vinna saman.“ Þetta segir Birgitta Jónsdóttir, þingflokksformaður Pírata, en forseti Íslands, Guðni Th. Jóhannesson, veitti henni og Pírötum umboð til stjórnarmyndunar nú síðdegis á Bessastöðum. Meira »
Ódýru dekkin
Ódýru dekkin Hágæða sterk dekk. Allar stærðir. Sendum hvert á land sem er. Bílas...
 
L edda 6016112919 ii
Félagsstarf
? EDDA 6016112919 II Mynd af auglýsi...
Félagsstarf aldraðra
Staður og stund
Árskógar 4 Smíðar og útskurður með leiðb...
Félagsstarf
Staður og stund
Árskógar 4 Opin smíðastofa kl. 9-16. Han...
Framhald uppboðs 2
Nauðungarsala
Uppboð Einnig birt á www.naudungarsolu...