Veit af vilja innan samfélagsins

Sýrlensk stúlka tekur til hendinni í flóttamannabúðum Sameinuðu þjóðanna nálægt ...
Sýrlensk stúlka tekur til hendinni í flóttamannabúðum Sameinuðu þjóðanna nálægt líbönsku borginni Baalbek á nýársdag AFP

Það er vel hægt að nota stór orð til að lýsa stöðunni sem kominn er upp vegna stríðsátaka í heiminum. Fjöldi flóttamanna er fordæmalaus en 4,4 milljónir Sýrlendinga eru á flótta samkvæmt opinberum tölum. Þetta er meðal þess sem kom fram í erindi Eyglóar Harðardóttur, félags- og húsnæðismálaráðherra á fundi í fundaröð Háskóla Íslands, Fræði og fjölmenning, sem fram fór í dag. Sýrland og flóttamenn voru viðfangsefni fundarins sem var haldinn í samstarfi við íslenska utanríkisráðuneytið og fulltrúa frá alþjóðlegu, frjálsu félagasamtökunum Norwegian Refugee Council (NRC).

„Við heyrum fréttir daglega af stöðunni í Sýrlandi og af fólki sem reynir í örvæntingu sinni að komast í öruggt skjól. Við finnum öll fyrir skyldunni til að bregðast við og aðstoða þá sem eru í neyð staddir,“ sagði Eygló.

Fyrsti hópurinn kemur 20. janúar

Í erindi sínu greindi Eygló frá viðbrögðum íslenskra stjórnvalda við óöldinni í Sýrlandi og þeim áskorunum sem hafa komið upp vegna aukins straums flóttamanna til Evrópu. En það skref sem hefur verið rætt um hvað mest er líklega koma sýrlenskra flóttamanna til Íslands. Í september greindi ríkisstjórnin frá því að tveimur milljörðum yrði varið í flóttamannamál. Stór hluti þess fer í að taka á móti flóttafólki og kemur fyrsti hópurinn í næstu viku, 20. janúar.

Sagði hún frá því hvernig auknu fjármagni í málaflokknum yrði varið á þrjá vegu. Í fyrsta lagi verður það notað til fjár­stuðnings við alþjóðastofn­an­ir og hjálp­ar­sam­tök sem vinna með flótta­fólki er­lend­is, s.s. Flótta­manna­stofn­un, Barna­hjálp, Neyðarsjóð og Mat­vælaaðstoð Sam­einuðu þjóðanna. Þá verður því einnig varið í móttöku flótta­fólks og hæl­is­leit­enda til Íslands, þar sem áhersla verði lögð á að hjálpa fólki að koma sér vek fyr­ir hér á landi, aðlag­ast sam­fé­lag­inu og hefja hér nýtt líf. Þá var einnig fjármagn sett í aðgerðir sem geta um­bylt og hraðað af­greiðslu hæl­is­um­sókna hér­lend­is, og til að bregðast við mik­illi fjölg­un þeirra.

Eygló á fundinum í dag þar sem hún kynnti aðgerðir ...
Eygló á fundinum í dag þar sem hún kynnti aðgerðir íslenskra stjórnvalda í flóttamannamálum. Ljósmynd/Kristinn Ingvarsson

Viðurkenna það að vonin sé úti

Í erindi sínu benti Eygló á að það gæti orðið erfitt fyrir flóttafólkið að koma á stað eins framandi og Ísland. „Það er mikilvægt að muna að þau völdu ekki að fara, þau eru neydd til þess. Með því að ákveða að fara finnst eflaust sumum þeir vera með því að viðurkenna það að vonin er úti um að deilan í Sýrlandi verið útkljáð á næstunni. Þau eru í togstreitu við fortíð sína og framtíð.“

Eygló sagði jafnframt að móttaka flóttamanna væri verkefni sem samfélagið þyrfti að taka þátt í saman sem heild. Margir taka þátt í móttökunni og nefndi Eygló sjálfboðaliða Rauða krossinn í því samhengi.

Sagði hún jafnframt að landslagið á Íslandi þegar það kemur að flóttamönnum hafi breyst töluvert síðustu mánuði. Nefndi hún að á síðasta árið hafi 82 flóttamenn hlotið alþjóðlega vernd á Íslandi sem er töluvert meira en síðustu ár.

Gætum verið í sömu stöðu einn daginn

Ræddi hún um mikilvægi fjölskyldusameiningar og benti á að í síðustu viku hefðu tvær sýrlenskar fjölskyldur verið sameinaðar að nýju á Íslandi. „Maður getur ekki byggt sig aftur upp eftir áfall ef þú hefur stöðugar áhyggjur af fjölskyldumeðlimum,“ sagði Eygló. Þá nefndi hún mikilvægi þess að flóttamenn verði aðstoðaðir við að komast út á vinnumarkaðinn og öðlast menntun. Einnig þarf að sjá til þess að flóttamennirnir fái húsnæði og að menntun þeirra verði metin að verðleikum.

„Ég veit að það er mikill vilji til staðar í samfélaginu til þess að gera okkar besta til að taka vel á móti nýjum íbúum og gera það vel,“ sagði Eygló. „Við erum að verða vitni af fordæmalausri hreyfingu fólks á flótta í heiminum. Þetta er ekki eitthvað sem hættir á morgun eða á þessu ári eða næsta.“

Bætti hún við að um væri að ræða fólk sem hefði verið í mikilli hættu. „Hugsanlega einn daginn gætum við verið í sömu stöðu og því þurfum við að vera tilbúin til að hjálpa eins mikið og við getum.“

Sýrlensk börn leika sér nálægt flóttamannabúðum í Kýpur
Sýrlensk börn leika sér nálægt flóttamannabúðum í Kýpur AFP
mbl.is

Innlent »

Hönnun og húsgögn í Hörpu

17:43 Það er mikið um að vera í Hörpu í tengslum við Hönnunarmars. Í dag opna tvær sýningar: annarsvegar sýna húsgagnaframleiðendur þversnið af því sem verið er að gera í íslenskri húsgagnaframleiðslu og íslenskir arkitektar standa fyrir sýningunni Virðisaukandi arkitektúr þar sem verðlaunatillögur af ýmsu tagi eru til sýnis. Meira »

Gæti orðið hvati að fleiri árásum

17:38 „Ein af hættunum við árásir sem eru líkar þeirri sem gerð var í London í gær er að hún gæti orðið hvati að fleiri árásum, ekki endilega í Bretlandi heldur annars staðar í Evrópu,“ segir Brynja Huld Óskarsdóttir sem starfar sem hryðjuverkasérfræðingur hjá áhættugreiningarfyrirtæki í London. Meira »

Vilja síst selja Landsbankann

17:12 Um 30% Íslendinga eru hlynntir því að ríkið selji hlut sinn í Arion banka samanborið við 24% sem töldu rétt að ríkið seldi hlut sinn í Íslandsbanka. Aðeins 13% voru aftur á móti hlynntir því að selja hlut ríkisins í Landsbankanum. Meira »

Byrjað að sópa götur og stíga

16:34 Byrjað var að sópa götur og stíga í Reykjavík í dag og er það samkvæmt áætlun um hreinsun. Fjölförnustu leiðirnar verða hreinsaðar fyrst en það eru allar stofnbrautir og tengigötur, sem og helstu göngu- og hjólastígar. Meira »

Kristján ráðinn framkvæmdastjóri LF

16:29 Kristján Þ. Davíðsson hefur verið ráðinn framkvæmdastjóri Landssambands fiskeldisstöðva (LF). Kristján tekur við starfi af Höskuldi Steinarssyni sem lætur af störfum að eigin ósk til að vinna að uppbyggingu nýs fyrirtækis sem sinna mun þjónustu við fiskeldisfyrirtækin hér á landi. Meira »

Ursus ehf. tapaði í Hæstarétti

15:47 Hæstiréttur hefur staðfest dóm Héraðsdóms Reykjavíkur þar sem Seðlabanki Íslands og Eignasafn Seðlabanka Íslands ehf. voru sýknuð af tæplega tveggja milljarða króna kröfu félagsins Ursus ehf. sem er í eigu fjárfestisins Heiðars Guðjónssonar. Meira »

Aukið viðbúnaðarstig vegna fuglaflensu

15:23 Viðbúnaðarstig vegna varna gegn fuglaflensu hefur verið aukið. Það þýðir að allir fuglar í haldi þurfa tímabundið að vera haldnir í yfirbyggðum gerðum þar sem villtir fuglar komast ekki inn eða í fuglaheldum húsum. Þetta kemur fram í tilkynningu frá Matvælastofnun. Meira »

Hafa áhyggjur vegna fjölgunar sjúklinga

15:27 Stjórn læknaráð Landspítala segist lýsa yfir áhyggjum af húsnæðismálum Landspítalans og því umhverfi sem starfsfólki og sjúklingum Landspítalans er boðið upp á. Segir stjórnin að viðvarandi húsnæðisþrengsli og mikið álag hafi ríkt lungann af síðustu tveimur árum og ekki sjái fyrir endann á því. Meira »

Ekki gert ráð fyrir tveimur mömmum

15:19 Unglingar sem eiga tvær mömmur eða tvo pabba áttu erfitt með að svara spurningum í forprófi PISA-prófsins á dögunum þar sem spurt var út í fjölskylduhagi, þar á meðal menntun og störf mömmu og pabba. Meira »

Óvenjulegar kröfur hjá sýslumanni

14:49 „Reynsla af frjósemisleiðbeiningum til bænda“ er ein af þeim kröfum sem gerðar eru til stefnuvotta hjá sýslumannsembættinu á Suðurlandi í atvinnuauglýsingu sem birtist í Bændablaðinu sem kom út í morgun. Verður það að teljast nokkuð óvenjuleg krafa. Meira »

Hefjast handa við mislæg gatnamót

13:59 Fyrsta skóflustungan að framkvæmdum við ný mislæg gatnamót Reykjanesbrautar og Krýsuvíkurvegar var tekin í dag.  Meira »

Myndsímasamband fyrir ferðamenn

13:59 Beint myndsímasamband er komið á milli upplýsingamiðstöðvar ferðamála í menningarhúsinu Hofi á Akureyri og SafeTravel verkefnisins sem Slysavarnafélagið Landsbjörg hefur umsjón með í Reykjavík. Með þessu er ætlunin að auðvelda ferðafólki á Akureyri að nálgast margvíslegar og mikilvægar upplýsingar. Meira »

Fólk vart um sig eftir árásina

13:25 „Fólk er slegið og í neðanjarðarlestinni í morgun þá var þögn,“ segir Atli Már Sigurðsson, staðgengill sendiherra Íslands í Bretlandi. Sendiráð Íslands er ekki langt frá Westminster, þar sem fjórir léstust og yfir 40 slösuðust er maður ók inn í hóp fólks Meira »

„Þyngra en tárum taki“

12:12 Tekist var á um samgönguáætlun á Alþingi í dag en þingmenn stjórnarandstöðunnar lýstu mikilli óánægju með niðurskurð á þeirri áætlun sem samþykkt var á þingi í október síðastliðnum. Meira »

Stefnir ekki að einkavæðingu

11:31 Óttarr Proppé heilbrigðisráðherra fullyrti í óundirbúnum fyrirspurnum á Alþingi í morgun að hann væri ekki búinn að skrifa undir leyfi til Klíníkurinnar um sjúkrahúsrekstur. Meira »

Eldur í svölum við Langholtsveg

13:01 Slökkviliðið á höfuðborgarsvæðinu var kallað út um níuleytið í morgun eftir að eldur kom upp á svölum húss við Langholtsveg.  Meira »

Óvissuástand í Ólafsfjarðarmúla

12:03 Lýst hefur verið yfir óvissuástandi í Ólafsfjarðarmúla að sögn lögreglunnar á Siglufirði. Á vef Vegagerðarinnar segir að vegna hlýnandi veðurs sé aukin snjóflóðahætta á Sigurfjarðarvegi og í Ólafsfjarðarmúla. Meira »

Farbann vegna meintra skattabrota

11:20 Karlmaður hefur verið úrskurðaður í farbann til 14. apríl vegna rannsóknar héraðssaksóknara á meintu skattalagabroti hans. Hefur embættið kyrrsett eignir í eigu mannsins, móður hans og fyrirtækis sem er í rannsókn upp á um 180 milljónir króna. Meira »
NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
ICELANDIC - ÍSLENSKA f. ÚTLENDINGA--ENGLISH f. foreigners- ENSKA f. fullorðna
Byrja//Start: 6/3, 3/4, 1/5, 25/5, 26/6, 21/8, 11/9, 9/10 :. 4 vik/weeks x 5 dag...
 
Félagsstarf
Staður og stund
Aflagrandi 40 Opin vinnustofa kl 9. Morg...
Aðalfundur
Fundir - mannfagnaðir
Aðalfundur Aðalfundur ...
Aðalfundur
Fundir - mannfagnaðir
Ársfundur Eftirlaunasjóður starfsman...
Samkoma
Félagsstarf
Alþjóðleg samkoma kl. 20 í Kristniboðs...