Neyðarlínu barst tilkynning frá vegfaranda um neyðarblys á lofti í námunda við Hafnarfjarðarhöfn. Voru bátar frá björgunarsveitunum því sendir út til leitar en engin ummerki fundust um sæfarendur í neyð.
Ólöf Snæhólm Baldursdóttir, upplýsingafulltrúi Slysavarnafélagsins Landsbjargar, staðfestir þetta í samtali við mbl.is. Hún segir björgunarmenn hafa verið kallaða út um klukkan 18 og voru tveir bátar sendir til leitar.
Samkvæmt heimildum mbl.is voru það bátarnir Fiskaklettur og Stefnir sem sinntu kallinu, en leit hefur nú verið hætt.