Það voru syfjuð börn og þakklátir og glaðir foreldrar sem mættu blaðamanni mbl.is á Akureyrarflugvelli á níunda tímanum í kvöld. Sýrlensku fjölskyldurnar fjórar sem setjast munu í bænum eru komnar á endastöð og nærast nú í húsnæði Rauða krossins.
Börnin voru vafin í teppi og sátu hálfsofandi á bekk í flugstöðinni. Fullorðna fólkið var greinilega orðið þreytt en heilsaði glatt og brosandi. Á morgun fer fram formleg móttökuathöfn í bænum þar sem hópurinn verður boðinn velkominn.
Myndasyrpa með með myndum sem teknar voru við komu hópsins á Keflavíkurflugvelli í dag og við komuna til Akureyrar í kvöld fylgir fréttinni.
Frétt mbl.is: „Fyrir stríðið höfðum við áætlanir“