„Bretland er á margan hátt mjög áhugaverður markaður,“ segir Jón Axel Pétursson, framkvæmdastjóri sölu- og markaðssviðs Mjólkursamsölunnar.
Skyr framleitt hjá MS hér á landi verður til sölu í um 200 Waitrose-verslunum í London og nágrannaborgum frá 8. febrúar.
„Í Finnlandi seldum við um 5.200 tonn af skyri í fyrra á um fimm milljóna manna markaði, en í Bretlandi búa um 50 milljónir,“ segir Jón Axel. 390 tonna tollfrjáls innflutningskvóti til ESB verður nýttur í Bretlandi, að því er fram kemur í umfjöllun um mál þetta í Morgunblaðinu í dag.