Huldufólk á hættusvæði

Flóðið úr Kristjánsklauf í nóvember 2012 setti norður- og vesturhlið ...
Flóðið úr Kristjánsklauf í nóvember 2012 setti norður- og vesturhlið húss Eymundar Jóhannssonar nánast á kafi. mbl.is/Þorsteinn Sæmundsson

„Það var óhemjusnjór hérna þegar flóðið kom niður hlíðina. Við vorum heima og heyrðum þunga dynki þegar snjórinn kom á húsgaflinn og alveg upp á þak,“ segir Eymundur Jóhannsson, íbúi við Kambastíg á Sauðárkróki, í samtali við Morgunblaðið, þegar hann lýsir snjóflóði sem kom niður Nafirnar 18. nóvember árið 2012.

Hann býr efst í svonefndri Kristjánsklauf í Nöfunum. Eymundur og kona hans eru ein fárra íbúa í götunni sem búa undir þeim stað við Nafirnar sem talinn er í hvað mestri snjóflóðahættu, samkvæmt nýju ofanflóðamati Veðurstofunnar fyrir Sauðárkrók.

Eymundur Jóhannsson, íbúi við Kambastíg á Sauðárkróki
Eymundur Jóhannsson, íbúi við Kambastíg á Sauðárkróki mbl.is/Björn Jóhann

Almennt lítil hætta til staðar

Hættumatið hefur verið kynnt íbúum og bíður nú afgreiðslu hjá sveitarfélaginu, áður en það verður sent umhverfisráðherra til staðfestingar. Ekki hafa borist athugasemdir við matið í umsagnarferlinu.

Samkvæmt mati Veðurstofunnar eru nokkur svæði undir Nöfunum á svonefndu A-hættusvæði, þar sem minnst hætta er talin á flóði, en Kristjánsklaufin er skilgreind sem B-hættusvæði, enda hafa þar fallið snjóflóð oftar en einu sinni gegnum tíðina. Alls eru 25 hús og ein kartöflugeymsla á A-svæði en engar byggingar á sjálfu B-svæðinu.

Veðurstofan telur í skýrslu sinni almennt litla hættu á ofanflóðum, miðað við flesta aðra þéttbýlisstaði á landinu þar sem einhver hætta er á flóðum. Mælt er samt með því við sveitarfélagið að hvorki reisa né skipuleggja óstyrkt atvinnu- eða íbúðarhúsnæði á svæðum A og B.

Snjóflóð upp að húsinu 2012

Flóðið sem Eymundur lýsir varð sem fyrr segir í nóvember árið 2012. Það olli engum skemmdum, utan nokkurra trjáa sem brotnuðu í hlíðinni ofan við hús Eymundar.

„Ég varð að fara upp á þakið á eftir og moka snjónum af, sem á köflum var ansi mikill vestanmegin á þakinu,“ segir Eymundur þegar hann lýsir aðstæðum fyrir blaðamanni.

Þegar hús var tekið á honum um áramótin var fannfergið ekki mikið og erfitt fyrir ókunnuga að ímynda sér að þar hafi fallið snjóflóð.

„Það er ótrúlegt að standa hérna í brekkunni og horfa niður að húsinu. Þetta er nú ekki mjög bratt,“ segir Eymundur, sem býst ekki við að sveitarfélagið fari út í neinar sérstakar framkvæmdir vegna flóðahættunnar.

Nafirnar eru fornir sjávarbakkar, um 30-40 metra háir, yfir eldri byggðinni á Sauðárkróki. Inn í þær ganga nokkrar klaufir sem nefndar eru Grjótklauf, Grænaklauf, Kirkjuklauf, Kristjánsklauf og Gránuklauf.

Fleira en mannfólkið býr á hættusvæðinu á Króknum. Eymundur Jóhannsson segir huldufólk búa í brekkunni norðanmegin í Kristjánsklauf, sem hafi flutt með þeim út á Krók. Áður bjuggu Eymundur og hans fjölskylda á bænum Árgerði í Sæmundarhlíð í Skagafirði.

„Þetta hljómar kannski undarlega fyrir suma en dóttir okkar er mjög næm og finnur sterkt fyrir þessu, hún hefur séð huldukonuna. Konan mun heita Rósa og var sú eina sem flutti með okkur. Yngra fólkið varð eftir frammi í Árgerði. Hún er víst hér einhvers staðar í hlíðinni,“ segir Eymundur og bendir upp brekkuna.

„Okkur skilst að nærvera Rósu sé svo sterk að hún komi fram á miðilsfundum hér á Króknum,“ bætir hann við brosandi en reyndar svolítið efins á svip. Hann segir konu sína og dóttur finna þetta meira. Þrátt fyrir snjóflóðahættuna segir hann þau sofa rólega þótt úti geisi stórhríð og fannfergi. Rósa haldi líklega verndarhendi yfir þeim.

Innlent »

Mikið álag á Landspítalanum

16:11 Mikið álag er á Landspítalanum en fjöldi sjúklinga hefur leitað þangað síðustu daga og hefur meðal annars greinst inflúensa. Meira »

Fjársvelta lögreglu vantar milljarða

15:54 „Við erum að vekja athygli þingheims á stöðu lögreglunnar á Íslandi. Þetta er ágætistímasetning til að vekja athygli á málaflokknum,“ segir Úlfar Lúðvíksson, formaður Lögreglustjórafélags Íslands, í samtali við mbl.is. Lögreglan sendi frá sér yfirlýsingu þar sem kemur fram að fimm milljarða vanti í fjárveitingar til viðbótar við þá ellefu sem nú eru á fjárlögum. Meira »

Segja Markús ekki hafa farið að reglum

15:32 Markús Sigurbjörnsson, hæstaréttardómari og fyrrverandi forseti Hæstaréttar, átti hlutabréf fyrir tugi milljóna í Glitni banka á árunum fyrir hrun. Bréfin seldi hann með miklum hagnaði árið 2007. Meira »

Bolir til styrktar sýrlenskum börnum

15:23 Ungmennaráð UNICEF á Íslandi stendur nú fyrir verkefninu #30sek til að vekja athygli á því að á hálfrar mínútu fresti neyðist barn til að leggja á flótta sökum stríðs, fátæktar eða umhverfisáhrifa. Meira »

Hafnar kröfu Útvarps Sögu

15:02 Úrskurðarnefnd fjarskipta- og póstmála hefur hafnað kröfu Útvarps Sögu um frestun réttaráhrifa ákvörðunar Póst- og fjarskiptastofnunar. Meira »

Konunni sleppt úr haldi

14:41 Lögregla hefur sleppt úr haldi konu, sem handtekin var á fimmtudag vegna gruns um að hafa kveikt í fjölbýlishúsi við Hafnargötuna í Reykjanesbæ, aðfaranótt fimmtudags. Meira »

Kosið í þrjár nefndir vegna fjárlaga

14:11 Sigurður Ingi Jóhannsson forsætisráðherra lagði á fundi sínum með formönnum þingflokkanna fram tillögu um að kosið verði í þrjár nefndir Alþingis vegna afgreiðslu fjárlaga og tengdra mála. Hann er bjartsýnn á að það takist að afgreiða fjárlögin á tilsettum tíma. Meira »

Upplýsingamiðstöð ferðamanna í ráðhúsið

14:22 Höfuðborgarstofa hefur valið fyrirtækið Guide to Iceland til samstarfs um rekstur sölu og bókunarstarfsemi í Upplýsingamiðstöð ferðamanna í Reykjavík. Fyrirtækið hefur samstarf við Höfuðborgarstofu 16. janúar á næsta ári en þá opnar Upplýsingamiðstöð ferðamanna á nýjum stað í Ráðhúsi Reykjavíkur. Meira »

Þótti hætta á fleiri ránum

13:34 Hæstiréttur hefur staðfest gæsluvarðhald yfir erlendum karlmanni, sem grunaður er um að hafa rænt fjögur apótek á síðastliðnum rúmum tveimur mánuðum. Meira »

Ekki enn farið fram á að fá drenginn sendan

13:27 Norsk barnaverndaryfirvöld hafa enn ekki farið fram á að íslenski drengurinn, sem þau hafa forræði yfir og vilja fá út, verði sendur til Noregs. Í dómi hæstaréttar í máli drengsins var úrskurða að hann yrði sendur út 4. desember. Meira »

Einmuna veðurblíða á Ströndum

12:40 Íbúar á Ströndum líkt og víða annars staðar á landinu furða sig á hlýindunum nú í desember. Á Ströndum hefur varla sést hvít jörð það sem af er jólamánuðinum. Öðruvísi var um að litast á sama tíma í fyrra. Þann 1. desember það árið mældist snjódýpt á veðurstöðinni í Litlu-Ávík 24 cm með sköflum. Meira »

Vilja upplýsingar frá MAST

12:09 Samtök verslunar og þjónustu og Neytendasamtökin gagnrýna matvælaeftirlit Matvælastofununnar (MAST) og fara fram á að stofnunin upplýsi um alvarleg frávik sem komið hafa upp í eftirlitsstarfsemi stofnunarinnar með íslenskum matvælaframleiðendum. Meira »

Vill ræða við Viðreisn og Bjarta framtíð

11:30 Bjarni Benediktsson, formaður Sjálfstæðisflokksins, sagði við fjölmiðla áður en fundur formanna þingflokkanna hófst í stjórnarráðinu að hann vildi láta aftur reyna á stjórnarmyndunarviðræður við Viðreisn og Bjarta framtíð. Meira »

Formenn hittast í stjórnarráðinu

10:38 Sigurður Ingi Jóhannsson, forsætisráðherra, hefur boðað formenn þingflokkanna á fund í stjórnarráðinu klukkan 11 í dag. Að sögn upplýsingafulltrúa ríkisstjórnarinnar verða störf þingsins framundan rædd. Meira »

Lækka verð á getraunaröðinni

09:03 Íslenskar getraunir hafa ákveðið að lækka verð á hverri röð í getraunum (1x2), úr 14 krónum í 13 krónur að því er segir í tilkynningu frá fyrirtækinu og tekur lækkunin gildi í dag. Meira »

Kosning um kjarasamninga hafin

11:28 Opnað verður á kosningu vegna kjarasamninga Félags grunnskólakennara og Sambands íslenskra sveitarfélaga í hádeginu í dag. Ólafur Loftsson, formaður Félags grunnskólakennara, vonast eftir meiri þátttöku nú en í samningunum sem felldir voru. Meira »

Hefja viðræður við aðra flokka í dag

09:49 Píratar ætla sér að hefja stjórnarmyndunarviðræður við aðra flokka í dag. Smári McCarthy, þingmaður Pírata, gat ekki sagt til um hvort viðræðurnar verða formlegar eða óformlegar. Meira »

Stefnt að uppbyggingu á Hveravöllum

07:57 Hugmyndir eru uppi um gistingu fyrir allt að 120 gesti í gistiskála og hótelálmu á Hveravöllum á Kili.  Meira »
Flugvél til sölu.....
Til sölu experimental 2ja sæta Jodel D-117A TF-REB, ný endurbyggð, klædd og málu...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
Hitatúpa
Til sölu 4,5 kw hitatúpa frá Rafhitun. Lítið notuð. Tilvalin í sumarbústað. Til...
Infrarauður Saunaklefi -Tilboð 40.000 kr afsláttur eða 299.000 1stk eftir
Tilboð 40.000 kr afsláttur eða 299.000 1stk eftir - 3manna klefi - low EMF- m...
 
Framhald uppboðs
Nauðungarsala
Uppboð Einnig birt á www.naudungarsolu...
Samkoma
Félagsstarf
Samkoma kl. 20 í Kristni- boðssalnum. R...
Almennur félagsfundur
Fundir - mannfagnaðir
Félag sjálfstæðismanna í Skóga- ...
Framhald
Nauðungarsala
Uppboð Einnig birt á www.naudungarsolu...