Kostar ríkið að minnsta kosti 1,2 milljarða

Ólafur Þ Stephensen, framkvæmdastjóri Félags atvinnurekenda.
Ólafur Þ Stephensen, framkvæmdastjóri Félags atvinnurekenda.

Ríkið mun þurfa að greiða að minnsta kosti 1,2 milljarða þegar upp verður staðið og það er varfærið mat. Þetta segir Ólafur Stephensen, framkvæmdastjóri Félags atvinnurekenda. Í dag féll dómur í Hæstarétti þar sem svokallað útboðsgjald var dæmt ólöglegt og þarf ríkið í framhaldinu að greiða þremur fyrirtækjum rúmlega 500 milljónir.

Fyrirtækin sem um ræðir eru Hagar, Innnes og Sælkeradreifing, en þau höfðuðu öll mál á hendur ríkinu vegna innflutnings á landbúnaðarafurðum og tollkvóta og gjaldtöku vegna hans.

Samið um tollfrjálsan innflutning en létu borga fyrir tollkvóta

Íslenska ríkið hafði skuldbundið sig með samningum við Evrópusambandið og Alþjóðaviðskiptastofnunina til að vera með ákveðið magn af ýmsum landbúnaðarafurðum tollfrjálsar eða á lágum tollum. Á það meðal annars við um svínakjöt, kjúkling og osta. Löggjafinn hér á landi ákvað aftur á móti að hægt væri að fara nokkrar leiðir við úthlutun á þessu magni og gat ráðherra ákveðið hvaða leið væri valin.

Frétt mbl.is: Ríkið endurgreiði hálfan milljarð

Ein leiðin felur í sér að tekið er gjald fyrir tollkvótann, en þá er magnið boðið upp og hæstbjóðandi fær úthlutað tollkvótanum. Eitt árið var það meðal annars þannig að um 200 tonn af kjúklingi sem áttu að vera tollfrjáls enduðu með að bera 48% toll.

„Tjónið er gríðarlegt“

Páll Rúnar M. Kristjánsson, Hæstaréttarlögmaður, sótti málið fyrir hönd félaganna þriggja. Segir hann að niðurstaða dómsins muni hafa áhrif á innflutningsaðila og mögulega einhverja veitingastaði. „Það er ljóst að það er búið að taka þessi gjöld í 20 ár,“ segir hann, en bætir við að mest af því sé þó fyrnt. „Tjónið er gríðarlegt,“ segir hann, „ekki bara fyrir innflytjendur, heldur markaðinn í heild, milliliði, heildsala og neytendur.“

Páll Rúnar M. Kristjánsson var lögmaður fyrirtækjanna.
Páll Rúnar M. Kristjánsson var lögmaður fyrirtækjanna. Ljósmynd/Málflutningsstofa Reykjavíkur

Segir hann að í kjölfar dómsins verði löggjafinn að bregðast við og koma upp sómasamlegu kerfi. Þannig skipti mestu máli að engar takmarkanir séu á magninu sem flutt er inn.

Páll segir að niðurstaða dómsins hafi verið sú að ríkið megi ekki taka skatt samkvæmt valkvæðri gjaldtökuheimild. Það þýðir á mannamáli að ráðherra hefur ekki ákvörðunarvald hvort skattur sé innheimtur eða ekki eins og í þessu tilviki.

200-300 milljónir á ári undanfarin ár

Ólafur segir upphæðirnar vera gríðarlegar sem um ræði. Undanfarin ár hafi útboðsgjaldið verið á bilinu 200-300 milljónir, en í ár stefni í að það verði 330 milljónir. Fyrirtækin þrjú sem eru á bak við málssóknina eru ekki þau einu sem hafa keypt tollkvótana, heldur hafa fleiri innflutningsaðilar, veitingastaðir og íslensku afurðastöðvarnar tekið þátt í útboðunum og fengið úthlutað. Segir Ólafur að félög eins og Mjólkursamsalan muni t.d. örugglega fá „slatta í kassann“ vegna talsverðs innflutnings á ostum undanfarin ár.

Tímabilið sem fyrirtækin þrjú kröfðust endurgreiðslu vegna er fjögur ár, eða frá 2009 til 2013. Hlutur þeirra er því nokkuð stór í heildarnýtingu innflutningskvótanna.

Þrátt fyrir samninga við Evrópusambandið um tollfrelsi á ákveðnu magni ...
Þrátt fyrir samninga við Evrópusambandið um tollfrelsi á ákveðnu magni á kjúklingi hafa innflytjendur endað með að borga háar upphæðir í kvótagjald fyrir tollinn. mbl.is/Árni Sæberg

Lágmark 1,2 milljarðar

Til viðbótar við þessi fjögur ár sem kæran náði til hafa þau undanfarin þrjú ár einnig greitt fyrir kvóta. Það má því gera ráð fyrir því að upphæðin muni aukast talsvert hjá þeim, auk þess sem aðrir innflytjendur hafa stóran hluta í innflutningi á þessum landbúnaðarafurðum undanfarin ár. Eins og fyrr segir telur Ólafur að heildarupphæðin sem ríkið gæti þurft að greiða öllum kvótakaupendum síðustu ára numið 1,2 milljörðum og líklega talsvert hærri upphæð.

Hvaða áhrif mun þetta hafa á vöruverð?

Innflytjendurnir vöruðu við því þegar þeir settu kæruna fram að þetta aukna gjald myndi fara út í vöruverð og þannig að lokum leggjast á vöruverð til neytenda. Aðspurður hvort þessi endurgreiðsla núna þýði ekki að fyrirtækin geti lækka álögur sínar talsvert, allavega í tiltekinn tíma, segir Ólafur að hvert og eitt fyrirtæki þurfi að svara fyrir það. Segir hann að þessi innspýting muni klárlega hjálpa afkomu þeirra, en á móti komi að hækkanir séu framundan, m.a. vegna launahækkana og gæti því þessi sigur fyrir dómstólum orðið til að minnka þá verðhækkun.

mbl.is

Innlent »

Fjórir háskólar hafa áhuga á lögreglunáminu

15:34 Fjórir háskólar sendu inn þátttökutilkynningu í auglýstu ferli Ríkiskaupa um lögreglunám á háskólastigi. Eru það Háskólinn á Bifröst, Háskólinn á Akureyri, Háskóli Íslands og Háskólinn í Reykjavík. Meira »

Sáu 580 seli

15:20 Í ár sáust alls 580 selir í selatalningunni miklu. Það er meira en síðustu tvö ár, en þó minna en árlegt meðaltal hefur gefið til kynna. Meira »

Fer á fullt í stjórnmálabaráttunni

14:54 „Við Íslendingar stöndum á miklum tímamótum eins og svo margar aðrar þjóðir. Ákvarðanir sem teknar verða á næstu misserum munu ráða úrslitum um hvernig samfélagið þróast til framtíðar,“ segir Sigmundur Davíð Gunnlaugsson, formaður Framsóknarflokksins og fyrrverandi forsætisráðherra, í bréfi sem hann hefur sent flokksmönnum. Meira »

Píratar með 26,8% fylgi

14:48 Píratar mælast með 26,8% fylgi og Sjálfstæðisflokkurinn með 24% í nýjustu könnun MMR. Vinstri-græn mælast með 12,9% fylgi, borið saman við 18% í síðustu könnun. Viðreisn mælist með 9,4% fylgi. Stuðningur við ríkisstjórnina mældist 33,9%. Meira »

Lítill hópur ökumanna er í mikilli hættu

14:08 Þótt öryggisbeltin hafi fyrir löngu sannað ágæti sitt og flestir ökumenn noti þau er sá litli hópur ökumanna sem ekki notar öryggisbelti hlutfallslega sá vegfarendahópur sem er í mestri lífshættu. Þetta sýna slysatölur undanfarinna ára. Meira »

Lögreglan keyrði inn í hlið bíls

13:29 Lögreglan á Suðurnesjum stöðvaði bíl sem var á akstri í íbúðarhverfi við Kjarnabraut í Reykjanesbæ með því að keyra inn í hlið hans. Meira »

Handtekinn fyrir morðið á Íslendingi

13:17 Lögreglan í Stokkhólmi í Svíþjóð hefur nú handtekið mann fyrir aðild að morðinu á íslenskum karlmanni í vesturhluta borgarinnar á mánudaginn í síðustu viku. Meira »

Spítalinn myndi „rústa“ heilbrigðiskerfinu

13:20 „Útlendingaspítalinn myndi því rústa því sem eftir er af íslensku heilbrigðiskerfi og gera endurreisn þess margfalt erfiðari en ella,“ skrifar Kári Stefánsson, forstjóri Íslenskrar erfðagreiningar, í pistli sem hann birti á Facebooksíðu sinni í dag. Meira »

Óska skýringa frá Vegagerðinni

13:03 Ísak Ernir Kristinsson, einn stofnenda Facebook-hópsins Stopp, hingað og ekki lengra!, er ánægður með að Vegagerðin hafi lokað vinstri beygju af Hafnarvegi inn á Reykjanesbraut. Betur má þó ef duga skal að hans mati. Meira »

Langvinn barátta gegn Deildu.net

11:50 Tímamót virðast hafa átt sér stað í baráttu íslenskra höfundarréttarsamtaka gegn skráaskiptasíðunni Deildu.net en eins og mbl.is hefur fjallað um hafa samtökin lagt fram kæru á hendur einstaklingi sem þau telja að standi á bak við síðuna. Meira »

Innkalla skyrtertur

10:37 Matvælastofnun hefur fengið upplýsingar frá fyrirtækinu Mjólku að fundist hafa í gæðaeftirliti hjá fyrirtækinu örverumengun í skyrtertum. Meira »

Telja sig hafa fundið höfuðpaurinn

09:40 „Við erum að kæra þann sem við grunum að standi á bak við Deildu.net. Síðan er það núna komið í hendur lögreglu að rannsaka það og í framhaldinu tekur ákæruvaldið ákvörðun um það hvort viðkomandi verður ákærður.“ Meira »

Harður árekstur við Miklubraut

09:19 Einn var fluttur á slysadeild eftir harðan árekstur við gatnamót Grensásvegar og Miklubrautar rétt fyrir klukkan níu.   Meira »

Kæra stjórnanda Deildu.net

08:56 Kæra hefur verið lögð fram á hendur meintum stjórnanda skráaskiptasíðunnar Deildu.net af hálfu fjögurra íslenskra höfundarréttarfélaga. Meira »

Nálgast mark með bólgið hné

08:18 Hjólakappinn Jón Eggert Guðmundsson kemur í Hafnarfjörð á miðvikudag en hann hefur að undanförnu hjólað hringinn um landið, alls 3.200 kílómetra, með því að þræða alla vegi við strandlengjuna. Það var sama leið og hann fór fótgangandi fyrir tíu árum. Meira »

Sjúklingar fara ekki í sumarfrí

09:01 Blóðbankann vantar blóð í öllum blóðflokkum og biðlar til landsmanna að gefa blóð, hvort sem það er í Reykjavík eða á Akureyri. Í tilkynningu frá Blóðbankanum kemur fram að staðan nú eftir helgina sé ekki góð og að mikilvægt sé að blóðsöfnun gangi vel í þessari viku fyrir verslunarmannahelgina. Meira »

Umferðartafir á Vesturlandsvegi

08:48 Búast má við smávægilegum umferðartöfum á Vesturlandsvegi í dag frá Melahverfi og norður fyrir Leirá í Hvalfjarðarsveit vegna framkvæmda. Meira »

Leikjum í beinni fækkar úr 380 í 200

07:57 Eftir tvær vikur, eða 7. ágúst, hefst enska úrvalsdeildin í knattspyrnu þegar leikið verður um Góðgerðarskjöldin.  Meira »
VAÐNES - sumarbústaðalóð
Til sölu fallegar sumarhúsalóðir með aðgangi að heitu og köldu vatni í vinsælu s...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
HÓPFERÐABÍLAR
HÓPFERÐABÍLAR TIL LEIGU með eða án bílstjóra. --------16 manna-------- --------9...