Margildi fékk á dögunum svokallað A leyfi útgefið af Matvælastofnun til framleiðslu, sölu og dreifingar á lýsi úr uppsjávarfiskum.
Slíkt leyfi gerir þeim kleift að flytja framleiðsluvörur sínar til annarra Evrópulanda, segir í frétt á heimasíðu Matís.
„Þó svo að ekki sé ætlunin að hefja mikla framleiðslu á lýsi hér í Matarsmiðju Matís á Vínlandsleið, þá er leyfið samt sem áður skilyrði þess að geta sent framleiðsluvörur til kynningar á innlenda sem erlenda markaði,“ segir í fréttinni.