Rósa Björk Brynjólfsdóttir, varaþingmaður Vinstri grænna, hefur sent Eygló Harðardóttur, félags- og húsnæðismálaráðherra, fyrirspurn varðandi starfshóp um fæðingarorlofsmál.
Þar spyr hún hvenær von er á skýrslu starfshóps um framtíðarskipan fæðingarorlofsmála sem var skipaður af ráðherra í desember 2014, eða fyrir rúmu ári.
Jafnframt spyr hún hversu oft starfshópurinn hefur fundað og hvort hann hafi lagt fram einhverjar áfanganiðurstöður.
Hér má sjá fyrirspurnina í heild sinni:
1. Hvenær er von á skýrslu starfshóps um framtíðarskipan fæðingarorlofsmála sem skipaður var af ráðherra 5. desember 2014?
2. Hversu oft hefur starfshópurinn fundað á starfstíma sínum?
3. Hefur starfshópurinn lagt fram áfanganiðurstöður og ef svo er, hvar er þær þá að finna?
4. Hver er kostnaður vegna starfshópsins frá skipun hans og hvernig sundurliðast hann?