Verkfall flugvirkja hjá Samgöngustofu hefur nú þegar valdið því að seinkun er orðin á skráningu tveggja nýlegra Boeing 747-400 flugvéla sem eru þær nýjustu í flugflota félagsins.
„Ef þessar flugvélar komast ekki í rekstur á þeim tíma sem áætlað var mun félagið verða fyrir miklu fjárhagslegu tjóni.
Ennfremur mun orðspor félagsins bíða hnekki og áralöngum viðskiptasamböndum stefnt í voða,“ segir Hannes Hilmarsson, forstjóri Air Atlanta í umfjöllun um mál þetta í ViðskiptaMogganum í dag.