Verður ný vídd í menningarlífinu

Nýlistasafnið, Kling og Bang-galleríið og listamaðurinn Ólafur Elíasson ætla að ...
Nýlistasafnið, Kling og Bang-galleríið og listamaðurinn Ólafur Elíasson ætla að koma sér fyrir í þessu húsi við Grandagarð , auk nýs veitingastaðar. mbl.is/Árni Sæberg

„Þarna verður nýr segull í Reykjavík, ný vídd í menningarlífinu, og ég held að þetta geti styrkt og stutt við myndlist og skapandi greinar á margan hátt,“ segir Dagur B. Eggertsson borgarstjóri um flutning Nýlistasafnsins, Kling og Bang-gallerís og Ólafs Elíassonar, auk nýs veitingastaðar, í Marshall-húsið við Grandagarð.

Í fyrradag var samþykkt í borgarráði að heimila Reykjavíkurborg að gera samning við HB Granda, eiganda Marshall-hússins, um fimmtán ára leigu og framleigja það síðan áfram til listamannanna og menningarstofnananna.

Grandasvæðið og Örfirisey hafa tekið umtalsverðum breytingum á skömmum tíma. Fjöldi hönnuða og listamanna hefur komið sér fyrir, margir í nágrenni við Sjóminjasafnið og höfuðstöðvar leikjafyrirtækisins CCP; þarna er Tónlistarþróunarmiðstöðin, með aðstöðu fyrir hljómsveitir, Ljósmyndaskólinn sem er dagskóli, og þessi fjölbreytilega menningarstarfsemi hefur færst í forvitnilegu sambýli við sjávarútvegsfyrirtæki og nýsköpunina í Sjávarklasanum norður eftir Grandagarði, allt að listaverki Ólafar Nordal, Þúfu, við höfuðstöðvar HB Granda. En hvers vegna skyldi Reykjavíkurborg hafa farið út í að hafa milligöngu um leigu á Marshall-húsinu, til að leigja það síðan áfram til þeirra sem koma sér þar fyrir?

Tíðindi að Ólafur komi sér fyrir

„Þetta er að frumkvæði þessara listamanna og safna,“ segir Dagur. „HB Grandi lítur ekki á það sem hluta sinnar kjarnastarfsemi að leigja út húsnæði til menningarstarfsemi og því þurfti að koma að borðinu aðili sem væri tilbúinn að leigutryggja þetta; gera HB Granda kleift að ráðast í þær töluvert umfangsmiklu framkvæmdir við húsið sem þarf til. Hlutverk okkar hjá borginni var því annars vegar að tryggja þessa leigusamninga og hins vegar að framleigja til þessarar menningarstarfsemi. Þar með verður þetta að veruleika og við komum út á núlli, fjárhagslega, en fáum stórkostlega spennandi myndlistar- og menningarhús þarna á norðanverðum Grandanum.

Mér finnst mikilvægt að við styðjum við þetta frumkvæði, sem kemur utan frá, og það er hlutverk okkar að vera ljósmóðir í ferlinu.“

Þá segir Dagur að það séu vitaskuld sérstök tíðindi að Ólafur Elíasson sé að færa sig meira yfir til Íslands. Hann hyggst vera með vinnustofu á efstu hæð hússins auk þess að setja upp innsetningar eða sérstök verk í hluta þess, sem verður opinn almenningi og mun án efa draga að gesti. Segja má að verk eftir Ólaf rammi þannig á vissan hátt inn hafnarsvæðið, þar sem hann á hinn flennistóra glerhjúp á Hörpu og ljósaverkið á honum.

Dagur segir að borgaryfirvöld hafi líka haft áhyggjur af því að Nýlistasafnið og Kling og Bang, sem hafa staðið fyrir gríðarlega öflugri starfsemi undanfarin ár, hafi verið í húsnæðishraki. Nú hafi verið fundin kærkomin lausn á því.

Stækkar miðborgarsvæðið

Grasrótarfyrirtæki hafa í auknum mæli komið sér fyrir á Grandanum. Hver hefur verið stefna borgarinnar varðandi uppbyggingu þar?

„Við styðjum við það á þann hátt að á aðalskipulaginu ýttum við út af borðinu öllum hugmyndum um umfangsmikla íbúðarbyggð og hóteluppbyggingu á hafnarsvæðinu á Grandanum. Þar með þróast þetta svæði öðruvísi og það skapar tækifæri fyrir þá sem eru tilbúnir til að hreiðra um sig í aðeins hrárra og minna þróuðu húsnæði, sem eru oft skapandi greinar og listamenn af ýmsu tagi – og það er að gerast.“ Dagur segir líka að með þessari þróun mála á Grandanum stækki miðborgarsvæðið og álagið minnki „á þeim fermetrum í Kvosinni sem eru mest notaðir“, og þessi þróun sé lífræn.

Verbúðirnar gegnt Sjóminjasafninu og höfuðstöðvum CCP hafa verið mjög eftirsóttar og telur Dagur að nú muni eftirspurnin í norðurhluta verbúðalengjunnar aukast og í nærliggjandi götum. Marshall-húsið verði eins konar ankeri á svæðinu. Þannig má segja að miðja Grandasvæðisins færist nú norðar.

„Þegar horft er til þess hvað HB Grandi hefur gert ótrúlega fína aðstöðu fyrir hjólandi starfsfólk, og hvað fyrirtækið hefur gert fyrir umhverfið eftir að því var úthlutað lóðinni fyrir frystigeymsluna Ísbjörninn, þar sem Þúfa Ólafar Nordal er líka orðin að aðdráttarafli í sjálfu sér, þá er ekki hægt að segja annað en að þetta svæði sé að springa út,“ segir Dagur. „Marshall-húsið verður lykilþáttur í því, með lifandi veitingastað og lífi sem smitar út göturnar beggja vegna. En það er líka í þessu mikla návígi við sjávarútveginn sem við stöndum líka vörð um á þessu svæði. Við viljum að hafsækin starfsemi þróist, í Sjávarklasanum er fullt af nýsköpunarfyrirtækjum sem tengjast sjávarútvegi, þar er líka kominn veitingastaður og allt styður þetta hvað við annað.

Marshall-húsið var púsl sem flýtir þróun sem við höfum séð fara af stað og gerir svæðið enn skemmtilegra.“

Innlent »

Aldrei fundið fyrir neinu svona sterku

Í gær, 23:52 Elín Emilsson Ingvarsdóttir sem er búsett í Mexíkóborg, segir jarðskjálftann í kvöld hafa verið hryllilega upplifun. Vitað er til að rúmlega 100 manns hafi látið lífið í jarðskjálftanum sem mældist 7,1. Hún segir vera í góðu lagi með þá Íslendinga sem hún þekki í borginni þó þeir séu í áfalli. Meira »

Bátur í vanda úti fyrir Kirkjusandi

Í gær, 22:30 Skip, bátar og kafarar frá björgunarsveitum á höfuðborgarsveitinni voru boðuð út um tíuleytið í kvöld vegna báts sem mögulega er í vanda nálægt Kirkjusandi í Reykjavík. Tilkynning um málið barst frá sjónvarvottum sem voru á gangi við Sæbraut og töldu þeir sig hafa séð lítinn bát í vanda. Meira »

Óábyrgt að ákveða lokun flugvallar 2024

Í gær, 22:24 „Athuganir og áætlanir varðandi byggingu flugvallar í Hvassahrauni eru ófullkomnar og byggjast á frumgreiningu á mörgum þáttum.“ Þetta er meðal þess sem kemur fram í bókun sem Framsókn og flugvallarvinir lögðu fram á fundi borgarstjórnar í dag. Óábyrgt sé að taka ákvörðun um lokun Reykjavíkurflugvallar 2024. Meira »

Fengu símagögn þrátt fyrir kæru

Í gær, 21:54 Lögreglan á Akureyri fékk upplýsingar um notkun á símanúmeri grunaðs manns í frelsissviptingarmáli tæpri klukkustund eftir þinghaldi um kröfuna lauk þrátt fyrir að því hafi verið lýst yfir í framhaldi af uppkvaðningu úrskurðarins að hann yrði kærður til Hæstaréttar. Meira »

Guðmundur fundinn

Í gær, 21:33 Guðmundur Guðmundsson sem lög­regl­an á höfuðborg­ar­svæðinu lýs­ti eftir nú í kvöld er fundinn.  Meira »

Hafa tekið sér tak í upplýsingamiðlun

Í gær, 21:10 Rafræn könnunarpróf verða lögð fyrir 4. og 7. bekk á næstu dögum. Í fyrra voru al­geng­ustu erfiðleik­arn­ir sem nem­end­ur, kenn­ar­ar og skóla­stjórn­end­ur fundu fyr­ir innslátt­ar­vill­ur við inn­rit­un í próf­in. Nú á að vera búið að fara yfir tölvukerfið og sníða af hina ýmsu agnúa. Meira »

Berjast um að heilla bragðlaukana

Í gær, 20:40 Undanúrslit í keppninni um kokk ársins 2017, fór fram á Kolabrautinni í Hörpu í gær. Tólf matreiðslumenn höfðu unnið sér inn þátttökurétt í undanúrslitunum eftir nafnlaust val dómnefndar byggt á innsendum uppskriftum. Meira »

Eina líkamsræktarstöð bæjarins lokar

Í gær, 21:00 Bæjarráð Ísafjarðarbæjar hefur samþykkt tillögu um að skoðuð verði aðkoma bæjarins að líkamsræktarstöð á Torfsnesi þar sem íþróttahús bæjarins er staðsett. Ástæðan er sú að eina líkamsræktarstöð bæjarins, Stúdíó Dan, lokar í febrúar. Meira »

Ósöluhæfar eignir í lífeyrisskuldbindingar

Í gær, 20:20 Til greina gæti komið að ráðstafa þeim eignum Lindahvols ehf., sem ekki eru söluhæfar, beint til niðurgreiðslu lífeyrisskuldbindinga ríkissjóðs. Þannig væri unnt að hámarka virði þeirra fyrir ríkissjóð. Meira »

Eitthvað bogið við verðlagninguna

Í gær, 20:10 Sigurður Ingi Jóhannson, formaður Framsóknarflokksins gerir stöðu sauðfjárbænda að umfjöllunarefni á Facebook síðu sinni nú í kvöld og segir verðlagningu kindakjöts hvorki þjóna bændum né neytendum. Meira »

Tildrög banaslyssins enn ókunn

Í gær, 20:00 Tildrög banaslyssins sem varð þegar Kanadamaðurinn David Frederik McCord, eða Grampa Dave, féll til jarðar með svifvæng í Reynisfjöru 13. ágúst eru enn ókunn. Meira »

Lögregla lýsir eftir Guðmundi Guðmundssyni

Í gær, 19:43 Lögreglan á höfuðborgarsvæðinu lýsir eftir Guðmundi Guðmundssyni, 44 ára, en síðast er vitað um ferðir hans í Breiðholti snemma í morgun. Lögregla greindi frá á tíunda tímanum að Guðmundur væri fundinn. Meira »

Standa fyrir átaki í skimun fyrir lifrarbólgu

Í gær, 19:39 70-80% þeirra sem taldir eru hafa verið smitaðir af lifrarbólgu C hér á landi hafa nú hafið meðferð gegn sjúkdóminum. Landspítalinn stendur nú fyrir átaki í skimun fyrir lifrarbólgu C og eru allir sem eru í aukinni áhættu að hafa smitast hvattir til að fara í greiningarpróf. Meira »

Myndirnar segja til um hugarástandið

Í gær, 18:48 Katrín Þóra Víðisdóttir Berndsen uppgötvaði listræna hæfileika á fullorðinsaldri. Hún tók stutt nám á listnámsbraut Verkmenntaskólans á Akureyri, annað hefur hún lært á Youtube. Katrín hefur barist við þunglyndi sem engin lyf hafa unnið á og býður nú greiningar á því athyglisbrestur hafi leitt hafi til þunglyndis. Meira »

Austurbæjarbíó gluggi fyrir ferðamenn

Í gær, 17:54 Gamla Austurbæjarbíó hefur fengið nýtt hlutverk sem gluggi fyrir ferðamenn inn í íslenska sögu, náttúru og samfélag. Sýningin „Tales from Iceland“ opnaði í Austurbæjarbíói í dag en að sýningunni stendur hópur hönnuða og kvikmyndagerðamanna sem hafa unnið að henni í rúmlega fjögur ár. Meira »

Íhuga að óska eftir frekari rannsókn

Í gær, 19:25 Eigendur veitingastaðarins Fresco segjast slegnir vegna fregna af að ungur maður hafi leitað upp á Landspítala eftir að hafa fundið mús í salati sem hann hafði keypt þar, en neytti annars staðar. Fresco skoðar nú hvort það eigi að óska eftir frekari rannsókn á málinu. Meira »

Leka heitavatnslögnin fundin

Í gær, 18:37 Leka lögnin sem flæddi úr í Vesturbænum fyrr í dag er fundin en hún reyndist vera undir Hringbraut. Mest af heita vatninu kom aftur á móti upp á horni Kaplaskjólsvegar og Víðimels og í nálægum brunnum að því er fram kemur í tilkynningu frá Veitum. Meira »

Borgarfulltrúar 23 á næsta kjörtímabili

Í gær, 17:42 Borgarstjórn samþykkti á fundi sínum í dag að fjölga borgarfulltrúum upp í 23 frá og með næsta kjörtímabili, en það er sá lágmarksfjölda fulltrúa sem mælt er fyrir um í sveitarstjórnarlögum. Var tillagan samþykkt með 11 atkvæðum gegn fjórum. Meira »
Hornborð til sölu
Eikar borð til sölu ,stærð 65x65 cm. hæð,45 cm. Er í Kópavogi aðeins 3,000,- kr...
Honda tanktaska
Góð original Honda tanktaska sem passar á flestar tegundir hjóla af Hondu. Seg...
FORD FOCUS JEPPI TIL SÖLU
Til sölu Ford Escape jeppi, benzín, árgerð 2007, ekinn 193.000km. Vel með farinn...
 
Framhald uppboðs
Nauðungarsala
Uppboð Einnig birt á www.naudungarsolu...
Framhalds uppboð
Nauðungarsala
Uppboð Einnig birt á www.naudungarsolu...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Eldri borgarar
Staður og stund
Aflagrandi 40 Það er opin vinnustofa hjá...